Technology Khabar २१ मंसिर २०८१, शुक्रबार
काठमाडौं ।
चीनमा अक्टोबरमा अनावरण गरिएको आईकू १३ ले गत हप्ता आफ्नो अन्तर्राष्ट्रिय रोलआउट सुरु गरेको थियो। यसैक्रममा आईकू १३ अब मंगलबार भारतमा प्रस्तुत गरिएको छ।
आईकू १३ को सञ्चालनको लागि यसमा स्न्यापड्रागन ८ एलिट एसओसी समावेश गरिएको छ भने भारतमा १२जीबी/२५६जीबी र १६जीबी/५१२जीबी गरी दुईवटा मेमोरी कन्फिगरेसनहरू उपलब्ध हुनेछ।
यस डिभाइसले एन्ड्रोइड १५–बेस्ड (आधारित) फनटच ओएस १५ आउट अफ द बक्स रन गर्ने र एन्ड्रोइड ओएस अपग्रेडको चार वर्ष र एन्ड्रोइड सुरक्षा अपडेटहरूको पाँच वर्षको प्रतिज्ञाको साथ आएको उल्लेख छ।
त्यसैगरी यो फ्ल्यागशिपमा ६.८२ इन्चको १,४४०पी १४४हर्ज एलटीपीओ एएमओएलईडी डिस्प्ले समावेश गरिएको र जसमा ३२ मेगापिक्सेल सेल्फी क्यामराको साथ अल्ट्रा–सोनिक फिङ्गरप्रिन्ट रिडर इम्बेडेडको लागि सेन्टर्ड पंच–होल बनाइएको छ।
डिभाइसको पछाडिको भागमा रहेको स्क्वार्कल–सेप्ड (आकार) को क्यामरा आइल्याण्ड हाउजिङमा ५० मेगापिक्सेलको प्राथमिक, ५० मेगापिक्सेलको टेलिफोटो (२× अप्टिकल) र ५० मेगापिक्सेलको अल्ट्रावाइड गरी तीनवटा क्यामराहरू समावेश गरिएका छन्। त्यसैगरी क्यामरा मोड्युल आरजीबी लाइटहरूले घेरिएको उल्लेख छ जसलाई आईकूद्वारा मोन्स्टर ह्यालो लाइट भनिने बताइएको छ।
आईकू १३ मा १२०डब्ल्यू (वाट) चार्जिङ सपोर्टको साथ ६,१५० एमएएच ब्याट्री रहेको छ। यद्यपि भारतमा भने ६,००० एमएएच ब्याट्री उपलब्ध हुने उल्लेख गरिएको छ।
आईकू १३ भारतमा लेजेन्ड र नार्डो ग्रे संस्करणहरूमा आउने बताइएको छ। साथै यसको १२जीबी/२५६जीबी मोडेलको मूल्य ५४,९९९ भारतीय रुपैयाँ (६५० अमेरिकी डलर/६२० यूरो) र १६जीबी/५१२जीबी मोडेलको मूल्य ५९,९९९ भारतीय रुपैयाँ (७१० अमेरिकी डलर/६७५ यूरो) हुनेछ।
यद्यपि, बैंक प्रस्तावहरूको साथ, तिनीहरूको मूल्य ५१,९९९ भारतीय रुपैयाँ (६१५ अमेरिकी डलर/५८५ यूरो) र ५६,९९९ भारतीय रुपैयाँ (६७५ अमेरिकी डलर/६४० यूरो) मा आउने बताइएको छ।
साथै यसको सट्टा नन्–भिभो/आईकू डिभाइस साटेको खण्डमा दुई संस्करणहरूको समान प्रभावकारी मूल्य हुने थप उल्लेख गरिएको छ। यदि भिभो/आईकू स्मार्टफोन साटेको खण्डमा भने यसको मूल्य थप २,००० भारतीय रुपैयाँ (२४ अमेरिकी डलर-२२ यूरो) ले घट्ने बताइएको छ।
त्यसैगरी आईकूको भारतीय वेबसाइट मार्फत आईकू १३ प्रि–अर्डरको लागि उपलब्ध हुने बताइएको छ र प्रि–बुकिङहरू अमेजन डट ईनमा डिसेम्बर ५ तारिदेखि सुरु हुने बताइएको छ। साथै आईकू १३ लाई प्रि–बुक गर्नेहरूले थप १ वर्षको वारेन्टी र निःशुल्क आईकू टीडब्ल्यूएस १ई ब्लुटुथ इयरफोनहरू पाउने उल्लेख गरिएको छ। लाई
प्रि–बुक प्रयोगकर्ताहरूले आईकू १३ स्मार्टफोन डिसेम्बर १० तारिखदेखि खरिद गर्न सक्नेछन् भने खुला बिक्री एक दिन पछि सुरु हुने बताइएको छ। यो स्मार्टफोन आईकूको वेबसाइट अमेजन डट ईन मार्फत र भिभो एक्सक्लुसिभ स्टोरहरू र अन्य अफलाइन रिटेलरहरू मार्फत बिक्री गरिने जीएसएमएरिनाले उल्लेख गरेको छ।
प्रकाशित: २१ मंसिर २०८१, शुक्रबार
