टेक्नो फ्यान्टम भी फोल्ड२ र भी फ्लिप२ भारतमा चाँडै उपलब्ध हुने

काठमाडौं ।

टेक्नोले गत सेप्टेम्बरमा फ्यान्टम भी फोल्ड२ र भी फ्लिप२ फोल्डेबलहरू प्रस्तुत गरेको थियो। अब कम्पनीले उक्त फोनहरू भारतमा ल्याउने भएको छ। साथै दुई फोल्डेबलहरूको अमेजन इन्डियामा तिनीहरूको समर्पित ल्यान्डिङ पृष्ठ रहेको बताइएको छ जहाँ तिनीहरू “कमिङ्ग सून” भनी उल्लेख गरिएको छ।

यद्यपि त्यहाँ कुनै सटीक मिति उपलब्ध नभएको बताइएको छ भने स्थानीय स्रोतहरूले उक्त दुई फोल्डेबलहरू यो महिना प्रक्षेपण हुने दावी गरेका छन्।

फोनहरूले हार्डवेयर र सफ्टवेयर दुवैमा आफ्ना पूर्ववर्तीहरूको तुलनामा सुधार गरेको हुने बताइएको छ। फोल्ड२ ठूलो तर हल्का र पातलो छ भने फ्लिप२ मा अधिक परम्परागत कभर प्यानल डिजाइन रहने उल्लेख गरिएको छ। साथै यसमा माथिल्लो बायाँ कुनामा डुअल शूटरहरू र लेन्सहरू वरिपरि स्क्रिन हुनेछ।

दुवै फोनहरू टेक्नोको पोर्टफोलियोमा एआई सुइटका साथ पहिलो पटक आउट अफ द बक्ससँग लन्च गरिने बताइएको छ। यो गुगल जेमिनी–पावर्ड इन्जिन भएको र यसले एला भनिने एआई एसिस्टेन्टलाई स्मार्ट कन्भर्सेसनल फङ्गसनेलिटी, कलहरूमा रियल–टाइम अनुवाद, सारांश, प्रूफरीडिङ र टेक्स्ट रिराइटिङ प्रदान गर्न उल्लेख गरिएको छ।

फ्यान्टम भी फोल्ड२ लाई १,०९९ अमेरिकी डलर (९०,००० भारतीय रुपैयाँ) मूल्यमा लन्च गरिएको थियो भने फ्लिप२ को मूल्य ६९९ अमेरिकी डलर (लगभग ६०,००० भारतीय रुपैयाँ) कायम गरिएको जीएसएमएरिनाले उल्लेख गरेको छ।