सामसङ ग्यालेक्सी एस२५ स्लिमको क्यामरा सेन्सरहरूको विस्तृत जानकारी बाहिरियो

काठमाडौं ।

यस महिनाको सुरुवातमा आइस युनिभर्सले सामसङ ग्यालेक्सी एस२५ स्लिममा अल्ट्रा क्यामरा हुनेछ भनेर पोस्ट गरे तापनि क्यामराको विवरणहरू बारेमा थप जानकारी भने प्रदान गरेको थिएन।

यसै क्रममा अब अर्को लीकस्टर सञ्जु चौधरी ले मिड–सिजन अपग्रेडमा प्रयोग गरिने सही सेन्सरहरूको बारेमा थाहा भएको दाबी गरेका छन् (स्लिमले एस२५ एफई को ठाउँ लिने अपेक्षा गरिएको छ)।

मुख्य क्यामरामा २०० मेगापिक्सेलको सेन्सर हुनेछ जुन एउटा नयाँ आईएसओसीईएलएल एचपी५ हो भने जसलाई केही रिपोर्टहरूले १/१.५६” मापन गर्ने दाबी गरेको लीकस्टरले उल्लेख गरेको छ।

यद्यपि पुरानो रिपोर्टहरूले भने यो १/१.३” (एस२४ अल्ट्रा भित्रको एचपी२ को समान आकार हुने) दावी गरेको बताइएको छ। साथै यो सेन्सर सामान्यतया ग्यालेक्सी जेड फोल्ड७ को सन्दर्भमा उल्लेख गरिने गरिएको छ।

अल्ट्रा वाइड क्यामरा र टेलिफोटो क्यामरा दुवैले ५० मेगापिक्सेलको जेएन५ सेन्सर (१÷२.७६”, ०.६४µm पिक्सेल) प्रयोग गर्नेछ। केही रिपोर्टहरूले भने एस२५ अल्ट्राले यसको सट्टा जेएन३ (०.७ µm पिक्सेल) प्रयोग गर्ने दावी गरेका छन्। हालको र आगामी एस अल्ट्रा र ग्यालेक्सी एस२५ स्लिम बीचको ठूलो भिन्नता भनेको यो हो कि यसमा एउटा मात्र टेलिफोटो क्यामेरा हुनेछ।

चौधरीका अनुसार स्लिम टेलिफोटो क्यामरामा ३.५ह अप्टिकल जुम हुनेछ। साथै यसले कथित रूपमा अल लेन्सेज अन प्रिज्म (एएलओपी) डिजाइनमा प्रयोग गर्नेछ जुन सामसङले सोमबार मात्र अनावरण गरेको थियो। त्यसैगरी

यसले पछाडिको सट्टा प्रिज्मको अगाडि लेन्सहरू राखेर परम्परागत पेरिस्कोप डिजाइनलाई पल्टाउने थप उल्लेख गरिएको छ।
यस लेआउटको फाइदा भनेको यसलाई अझ कडा रूपमा प्याक गर्न सकिनेछ – एएलओपी मोड्युलहरू परम्परागत पेरिस्कोप डिजाइन भन्दा छोटो र पातलो छन्। साथै एस२५ स्लिमको मुख्य बिक्री बिन्दु भनेको पातलोपन हुनेछ।

सामसङ ग्यालेक्सी एस२५ स्लिम सन् २०२५ को उत्तरार्धमा लन्च हुने अपेक्षा गरिएको छ र यदि सफल भएको खण्डमा यसले एस२६ सिरिजको डिजाइनलाई प्रभाव पार्न सक्ने जीएसएमएरिनाले उल्लेख गरेको छ।

(µm – माइक्रोन्स वा माइक्रोमिटर्स)