भारतीय सरकारी टेल्को बीएसएनएलले शुरु गर्यो देशभर वाईफाई रोमिङ सेवा

काठमाडौं ।

भारतीय सरकारी टेलिकम कम्पनी भारत संचार निगम लिमिटेड (बीएसएनएल) ले आफ्ना फाइबर-टू-द-होम (एफटीटीएच) ग्राहकहरूका लागि देशभर वाईफाई रोमिङ सेवा सुरु गरेको छ। यसबाट, बीएसएनएलका एफटीटीएचका ग्राहकहरूले भारतभरका वाईफाई हटस्पटहरूमा कनेक्सन गर्न सक्षम हुनेछन्।

यो सेवाबाट कम्पनीका ग्राहकले यात्रा गर्दा पनि इन्टरनेट जडान प्राप्त गर्न सक्नेछन् र डाटा खर्च घट्ने बताएको छ। यसबाट, उनीहरूले कुनै अतिरिक्त शुल्क बिना बीएसएनएल वाइफाइ हटस्पटहरू पहुँच गर्न सक्षम हुनेछन्। एक पटक दर्ता भएपछि, ग्राहकहरूले सजिलै पत्ता लगाउन र कम्पनीको वाईफाई रोमिङ नेटवर्कमा कनेक्सन गर्न सक्षम हुने एक रिपोर्टमा भनिएको छ।

यसैबीच, बीएसएनएलले पनि फाइभजी नेटवर्कको परीक्षण सुरु गरेको छ। बीएसएनएलले चालू आर्थिक वर्षको अन्त्यसम्ममा एक लाख फोरजी साइटहरू खोल्ने लक्ष्य राखेको छ। सेन्टर फर डेभलपमेन्ट अफ टेलिकम्युनिकेसन्स (सी-डट) सँगको सहकार्यमा कम्पनीको ५जी नेटवर्कको परीक्षण भइरहेको उल्लेख छ।