बाइडुद्वारा शाओडु एआई ग्लासेस अनावरण, विश्वको पहिलो एआई ग्लासेस भएको दावी

काठमाडौं ।

बाइडुले ‘२०२४ बाइडु वर्ल्र्ड कन्फरेन्स’ (विश्व सम्मेलन) मा “स्थानीय चिनियाँ भाषा मोडेलले सुसज्जित विश्वको पहिलो एआई ग्लासेस” को रूपमा आफ्नो शाओडु एआई ग्लासेस आधिकारिक रूपमा लन्च गरेको छ।

बाइडुको हार्डवेयर डिभिजन, शाओडु टेक्नोलोजीद्वारा डिजाइन गरिएको यी ग्लासेस (चश्माहरू) ले बाइडुको उन्नत अर्नी ल्याङ्गवेज (भाषा) मोडेल प्रदर्शन गर्दछ। साथै यसले चिनियाँ–भाषी जमातहरूको लागि वेयरेबल टेक्नोलोजीमा एआई एकीकृत गर्दै मेटाको रे–ब्यान्सको लोकप्रियतालाई चुनौती दिने उल्लेख गरिएको छ।

स्पेसिफिकेसन्सहरू
शाओडु एआई ग्लासेसको तौल मात्र ४५ ग्राम रहेको छ र एआई स्टेबलाइजेसन (स्थिरीकरण) को साथ १६ मेगापिक्सेलको अल्ट्रा–वाइड–एंगल क्यामराले सुसज्जित बताइएको छ। साथै उक्त क्यामराले सहज र स्थिर पहिलो–व्यक्ति परिप्रेक्ष्य फोटोग्राफी सक्षम पार्ने थप उल्लेख गरिएको छ।

यी ग्लासेसहरूमा प्रभावकारी रूपमा ध्वनि र ओपन–इयर एन्टि–लिकेज स्पिकरहरू क्याप्चर गर्नको लागि चार–माइक्रोफोन एरे पनि समावेश गरिएको छ जसले स्पष्ट अडियो प्रदान गर्दै प्रयोगकर्ताहरूलाई इमर्सिभ, ह्यान्ड्स–फ्री अनुभवमा संलग्न हुन अनुमति दिनेछ।

ग्लासेसले ६ वटा कोर फङ्गसनेलिटिहरूलाई समर्थन गर्दछ जसमा रियल–टाइम क्यू एण्ड ए वाक–एन्ड–आस्क क्वेरीहरू, क्यालोरी रिकगनिसन, इनसाइक्लोपिडिया फिचर मार्फत अबजेक्ट आइडेन्टिफिकेसन, अडियो–भिजुअल अनुवाद र इन्टेलिजेन्ट रिमाइन्डरहरू रहेका छन्।

साथै ग्लासेसमा फोटो र भिडियोहरूको लागि एआई एन्टी–शेक टेक्नोलोजी पनि समावेश गरिएको उल्लेख छ जसले प्रयोगकर्ताहरूलाई आफ्ना अनुभवहरू निर्बाध रूपमा दस्तावेज गर्न सक्षम पार्ने बताइएको छ।

ब्याट्री लाइफको सन्दर्भमा, शाओडु एआई ग्लासेसले स्ट्यान्डबाइमा ५६ घण्टा सम्म प्रदान गर्दछ भने लगातार अडियो प्लेब्याकको लागि ५ घण्टा भन्दा बढी सम्म चल्न सक्ने बताइएको छ।

त्यसैगरी ग्लासेसहरू र्यापिड–चार्जिङ टेक्नोलोजीले सुसज्जित रहेको हुनाले केवल ३० मिनेटमा पूर्ण चार्ज सक्षम पार्दै तिनीहरूलाई दैनिक प्रयोगको लागि व्यावहारिक विकल्प बनाएको थप उल्लेख गरिएको छ।

शाओडु एआई ग्लासेसहरू डुएरओएस एआई नेटिभ अपरेटिङ सिस्टममा चल्नेछन् र बाइडु म्याप्स र बायके जस्ता लोकप्रिय बाइडु एपहरूसँग सिमलेस एकीकरणलाई समर्थन गर्ने अपेक्षा गरिएको छ जसले बाइडुका सेवाहरूसँग प्रयोगकर्ताको अनुभवलाई अझ बढाउने छ।

मूल्य निर्धारण र उपलब्धता
बाइडुले शाओडु एआई ग्लासेस आधिकारिक रूपमा सन् २०२५ को पूर्वाद्धमा लन्च हुने पुष्टि गरेको छ र जसको खुद्रा मूल्य २,१०० युआन (लगभग २९० अमेरिकी डलर) भन्दा कम हुने गीज्मोचाइनाले उल्लेख गरेको छ।