एप्पलले अब आईफोन १६ सिरिजको रिपेयर पार्ट्स बिक्री गर्दै

काठमाडौं ।

एप्पलले अमेरिका र युरोपभरि आफ्नो आईफोन १६ सिरिजका डिभाइसहरूको रिपेयर (मर्मत) पार्ट्स थप गरेको छ। अब सेल्फ सर्भिस रिपेयर स्टोरबाट वास्तविक एप्पल पार्ट्स र रिपेयर टुल्स (मर्मत उपकरणहरू) का साथै रिपेयर (मर्मत) म्यानुअलहरू प्राप्त गर्न सकिने उल्लेख गरिएको छ।

आईफोन १६ को डिस्प्ले र स्क्रू किटको लागि २७९ अमेरिकी डलर/३३९ यूरो/२८९ पाउन्ड स्टर्लिंग मूल्यमा आउँछ भने १६ प्रो म्याक्सको लागि ३७९ अमेरिकी डलर/४८९ यूरो/३८९ पाउन्ड स्टर्लिंग मूल्य कायम गरिएको छ।

साथै आईफोन १६ को स्पेयर ब्याक प्यानलहरूको लागि १६९ अमेरिकी डलर/१९९ यूरो/१६९ पाउन्ड स्टर्लिंग र १६ प्रो म्याक्सको लागि १९९ अमेरिकी डलर/२२९ यूरो/१९९ पाउन्ड स्टर्लिंगको बीचमा मूल्य निर्धारण गरिएका छन्।

त्यसैगरी आईफोन १६ को स्पेयर (अतिरिक्त) ब्याट्रीको लागि ९९ अमेरिकी डलर/१०९ यूरो/९५ पाउन्ड स्टर्लिंग मूल्य कायम गरिएको छ भने १६ प्रो म्याक्सको लागि ११९ अमेरिकी डलर/१३५ यूरो/१०९ पाउन्ड स्टर्लिंग मूल्य निर्धारण गरिएको छ।

यदि तपाईँले तपाईँको पुरानो ब्याट्री सेलमा मेल पठाउनुभयो भने एप्पलले तपाईँलाई रिप्लेस्ड (प्रतिस्थापित) पार्ट रिटर्न क्रेडिट पनि दिनेछ।

आईफोन १६ को रिप्लेसमेन्ट (प्रतिस्थापन) क्यामरा एसेम्बलीहरूको लागि १६९ अमेरिकी डलर/१९९ यूरो/१६९ पाउन्ड स्टर्लिंगबाट मूल्य सुरु हुन्छ भने २४९ अमेरिकी डलर/२९९ यूरो/२६९ पाउन्ड स्टर्लिंग सम्म जान सक्ने बताइएको छ। साथै एप्पलको सेल्फ सर्भिस रिपेयर स्टोर वेबसाइटमा मूल्यहरू जाँच गर्न सकिने जीएसएमएरिनाले उल्लेख गरेको छ।