Technology Khabar २७ कार्तिक २०८१, मंगलवार
काठमाडौं ।
वैकल्पिक ऊर्जा प्रवर्द्धन केन्द्रले दिगो ऊर्जा च्यालेञ्ज फण्ड मार्फत सम्भाव्य परियोजनाहरुमा सहयोगको लागि दुई चरणमा आवेदन आव्हान गरेको छ। केन्द्रले हालै एक सूचना प्रकाशित गरी पहिलो चरणमा सम्भावित वितरित नवीकरणीय ऊर्जा (Distributed | Renewable Energy DRE) परियोजना तथा दोस्रो चरणमा पहिलो चरणबाट छनौट भएका अवधारणापत्रहरुबाट पूर्ण प्रस्ताव आव्हान गरिएको बताएको छ।
वैकल्पिक ऊर्जा प्रवर्द्धन केन्द्रले केन्द्रीय नवीकरणीय ऊर्जा कोष अन्तर्गत रहने गरी भायबिलिटी ग्याप फण्डिङ्गमा आधारित दिगो ऊर्जा च्यालेन्ज फण्डको स्थापना गरेको छ।
नेपाल सरकार र बेलायत सरकारको सहयोगमा सञ्चालित नेपाल नवीकरणीय ऊर्जा कार्यक्रमको मुख्य लक्ष्य वितरित नवीकरणीय ऊर्जा परियोजनाहरूमा निजी क्षेत्रको लगानी वृद्धि गर्ने तथा सबैमा ऊर्जाको पहुँच पुऱ्याउन सहयोग गर्ने रहेको बताइएको छ।
कसले आवेदन दिन सक्छन् ?
(१) विद्यमान लघु तथा साना जलविद्युत आयोजना, मिनीग्रिड एवम् अन्य नवीकरणीय ऊर्जा आयोजनाहरुको प्राविधिक, वित्तीय तथा व्यवस्थापकीय पक्षहरुको सुधारको लागि प्रस्तावित आयोजनाहरु
(२) सार्वजनिक निजी साझेदारीका आयोजनाहरु
(३) सहज रुपमा कर्जा प्राप्त गर्न निश्चित अवधिको लागि निश्चित प्रतिशतसम्म बैंक जमानत बसिदिने प्रक्रियामा सहभागी हुन ईच्छुक वाणिज्य बैंकहरु।
उक्त अवधारणापत्र अनलाइन आवेदन पोर्टल (www.seef.nrepnepal.com) मार्फत पेश गर्नु पर्ने जनाइएको छ। पेश गर्नुपर्ने अवधारणापत्रको प्रकार र समयावधी तपसिल बमोजिम रहेको छ:
प्रकाशित: २७ कार्तिक २०८१, मंगलवार
