प्रेस काउन्सिलद्वारा १२ वटा सञ्चारमाध्यममाथि कारबाही: कालोसूची, साइबर ब्युरोमा पत्राचार र विशेष अनुगमन समावेश

काठमाडौं ।

प्रेस काउन्सिल नेपालले  १२ वटा सञ्चारमाध्यममाथि अलग अलग कारबाही गरेको छ। काउन्सिलले सञ्चार माध्यममा सम्प्रेषण भएका समाचारहरू पत्रकार आचारसंहिताविपरीत भएको भनी प्राप्त हुने उजुरी/जनगुनासाहरूको सुनुवाइका साथै नियमित अनुगमनसमेत गर्ने क्रममा आज विभिन्न अनलाइन र युट्युब च्यानल गरी १२ वटा सञ्चारमाध्यमलाई कारबाही गरेको हो।

काउन्सिलले आज एक प्रेस विज्ञप्ति प्रकाशित गरी गत कात्तिक २५ गते बसेको आचारसंहिता अनुगमन उपसमितिको बैठकले आचारसंहिताबमोजिम दिइएको निर्देशन अवज्ञा गर्ने ४ वटा सञ्चार माध्यमलाई कालोसूची/अवज्ञाकारीको सूचीमा राखेर कारबाही अगाडि बढाउने निर्णय गरेको जानकारी दिएको छ।

यो समेत गरी यस आ.व. मा ७ वटा सञ्चार माध्यम अवज्ञाकारी/कालोसूचीमा परेका काउन्सिलको भनाई छ।

यसबाहेक ७ वटा सञ्चार माध्यमललाई विशेष अनुगमनमा राखी अनुगमन गर्ने बैठकले निर्णय गरेको छ। काउन्सिलको निर्देशनलाई अनदेखा गर्ने च्यानललाई प्रचलित कानुनबमोजिम कारबाही प्रक्रिया थालिएकोब ताएको छ।

यसै कममा मिडियाको रुपमा दर्ता/सूचीकरण नभइ एकपक्षीय, तथ्यपुष्ट्याइँबेगर सामग्री सम्प्रेषण गर्ने र काउन्सिलले दिएको निर्देशन कार्यान्वयन नगरी च्यानलमा गलत विवरण राखी भ्रम उत्पन्न गर्ने एउटा युट्युब च्यानललाई नेपाल प्रहरी, साइबर ब्युरोमा पत्राचार गरेको छ।

पत्रकार तथा सञ्चार माध्यमले सत्यतथ्य र सन्तुलित समाचार सामग्री सम्प्रेषण गर्नुपर्ने, समाचारका सम्बन्धमा सम्बन्धित पक्षको भनाइ एवं प्रतिक्रियालाई स्थान दिनुपर्ने, पेसागत आचरणविपरीत क्रियाकलाप गर्न नहुने पत्रकार आचारसंहितामा प्रष्ट व्यवस्था छ।

सञ्चार माध्यमको नामलाई दुरुपयोग गरी बागर्नेनिङ, किर्ते जस्ता गलत क्रियाकलाप गर्ने कार्य प्रचलित कानुनविपरीत भएकाले  यस्ता क्रियाकलापबाट सञ्चार माध्यम, आम पत्रकार एवं सम्बद्ध पक्ष सजग रहन काउन्सिलको आग्रह छ।

नेपाली पत्रकारिताका मूल्य र मान्यताविपरीत, गलत, समाजमा उत्तेजना/अफवाह फैलाउने, सामाजिक सद्भाव भड्काउने, कुरीति एवं अन्धविश्वासलाई प्रश्रय दिइ भ्रम फैलाउने, अश्लील एवं अमर्यादित, वैयक्तिक गोपनीयता प्रतिकूलका सामग्री सम्प्रेषण नगर्न/नगराउन सञ्चार माध्यम, आम पत्रकार, सञ्चारकर्मी एवं सञ्चार माध्यमअन्तर्गत रहेका युट्युब च्यानल लगायतका सामाजिक सञ्जालका प्रयोगकर्ताहरूमा पनि काउन्सिलले आग्रह गरेको छ।

कारबाहीमा परेका र विशेष अनुगमनमा राखिएका सञ्चार माध्यम तथा च्यानलको नामावली यस प्रकार छ: