ब्याङ्कम्यान-फ्राइडले गरेको क्रिप्टोकरेन्सी घोटालामा साथ दिएको आरोपमा पूर्व कार्यकारी निशाद सिंहलाई सजाय हुने

काठमाडौं ।

आफ्ना पूर्व मालिक साम ब्याङ्कम्यान-फ्राइडले हाल जेलमा रहँदा ग्राहकको लगभग ८ अर्ब डलर चोरी गरेकोमा घटनामा संलग्न रहेको अभियोगमा पूर्व क्रिप्टोकरेन्सी कार्यकारी निशाद सिंहलाई बुधबार सजाय हुने भएको छ। यो चोरी अहिले टाट पल्टिएको भएको एफटीएक्स एक्सचेन्जबाट गरिएको रोयटर्सले उल्लेख गरेको छ।

सिंहले ६ वटा गम्भीर ठगी र षड्यन्त्रको आरोपमा दोष स्वीकार गरेका छन्। उनी अभियोजन पक्षको साक्षीको रूपमा पनि उभिएका थिए, जसले ब्याङ्कम्यान-फ्राइडलाई ठगी र अन्य आरोपमा दोषी ठहर गराएको थियो।

सिंहले अभियोजन पक्षसँगको सहमतिको क्रममा अमेरिकाको इतिहासकै सबैभन्दा ठुलो वित्तीय ठगी मध्ये एकको भूमिकामा संलग्न भएको स्वीकार गरेका छन्। उनी केही राजनीतिक चन्दामा “नक्कली दाता” को रूपमा पनि संलग्न भएका थिए।

ब्याङ्कम्यान-फ्राइड (३२ वर्ष) एफटीएक्स एक्सचेन्जको पतनपछि ब्रुकलिनको मेट्रोपोलिटन डिटेन्सन सेन्टरमा २५ वर्षको जेल सजाय काटिरहेका छन्।

सिंह (२९ वर्ष) एफटीएक्सका पूर्व प्रमुख इन्जिनियर हुन्। उनलाई न्युयोर्कको संघीय अदालतमा दिउँसो ३ बजे (बेलुकी ७ बजे जीएमटी) मा सजाय सुनाइने छ, जहाँ अमेरिकी जिल्ला न्यायाधीश लुइस कापलनले उनलाई अपेक्षाकृत कम सजाय दिन सक्नेछन्। अभियोजकहरूले उनीप्रति सहानुभूति देखाएका छन् भने सिंहका वकिलहरूले उनलाई जेल नपठाउन सिफारिस गरेका छन्।

रोयटर्सका अनुसार अमेरिकी महान्यायाधिवक्ताको कार्यालयले अक्टोबर २३ मा अदालतमा बुझाइएको कागजातमा लेखेको छ, “सिंहले दोषीहरूलाई कानूनी रूपमा कारबाही गर्न र पीडितहरूको लागि सम्पत्ति फिर्ता गर्न सरकारले गरेको अनुसन्धानमा महत्वपूर्ण सहयोग पुर्‍याएका छन्।”

कापलनले गत महिना ब्याङ्कम्यान-फ्राइडकी पूर्व प्रेमिका तथा एफटीएक्ससँग सम्बन्धित हेज फण्ड अल्मेडा रिसर्चकी कार्यकारी क्यारोलिन एलिसनलाई दुई वर्षको जेल सजाय दिएका थिए। न्यायाधीशले उनको सहयोगको प्रशंसा गरे, तर यस जस्तो गम्भीर मुद्दामा सहयोगले “जेलबाट मुक्ति” पाउने बाटो मात्र नभएको भनेका थिए।

सिंहका वकिलहरूले अक्टोबर १६ को अदालतमा बुझाइएको कागजातमा ब्याङ्कम्यान-फ्राइड र एलिसनले एफटीएक्सका ग्राहकको अर्बौं डलरको प्रयोग अल्मेडाका घाटा पूर्ति गर्न गर्ने निर्णय गरिसकेपछि मात्र भनेका छन्  सिंह उक्त षड्यन्त्रमा संलग्न भएका बताएका छन्।

कोभिड महामारीका बेला क्रिप्टोकरेन्सीको मूल्य बढेपछि ब्याङ्कम्यान-फ्राइडको सम्पत्ति अक्टोबर २०२१ सम्ममा २६ अर्ब डलर पुगेको थियो। उनले परोपकारी कार्यहरू र डेमोक्रेटिक राजनीतिज्ञहरूलाई ठूलो रकम चन्दा दिँदै चर्चित बनेका थिए।