काठमाडौं ।
ओप्पोको फाइन्ड एक्स८ सिरिजले गत हप्ता चीनमा डेब्यू गरेको छ। त्यसैगरी अब फाइन्ड एक्स८ र फाइन्ड एक्स८ प्रो दुवै अर्को महिना विश्वव्यापी रूपमा लन्च हुने आधिकारिक पुष्टि भएको जीएसएमएरिनाले उल्लेख गरेको छ।
ग्लोबल लन्चको तयारीमा रहेको ओप्पो युकेले अब फाइन्ड एक्स८ सिरिजको लागि लन्च पेजको साथ टिजर अभियान सुरु गरेको छ जहाँ प्रयोगकर्ताहरूले आगामी फ्ल्यागशिपहरूका लागि आफ्नो रुचि दर्ता गर्न सक्नेछन्।
फाइन्ड एक्स–सिरिजका डिभाइसहरूका पछिल्ला दुई पुस्ताहरू चीन बाहिर उपलब्ध थिएनन् भने यो विकासले अब युके र युरोपमा ओप्पो फ्ल्यागशिपहरू आधिकारिक रुपमा फर्किन लागेको संकेत गरेको उल्लेख गरिएको छ।
प्रकाशित: १३ कार्तिक २०८१, मंगलवार
