काठमाडौं ।
फेसबुकको मूल कम्पनी मेटाले आफ्नो नयाँ “ओपन” परियोजना ‘नोटबुक लामा’ सार्वजनिक गरेको छ जसले गुगलको नोटबुक एलएम जस्तै अपलोड गरिएका टेक्स्ट फाइलहरूको पडकास्ट शैलीको डाइजेस्ट बनाउने काम गर्छ।
टेकक्रञ्चका अनुसार नोटबुकलामामा मेटाका आफ्नै लामा मोडेलहरू मुख्य प्रोसेसिङका लागि प्रयोग हुन्छन्। यसमा फाइलको ट्रान्सक्रिप्ट तयार गरी, “ड्रामाटाइजेसन” र रोकावटहरू थपिन्छ, र त्यसपछि यसलाई ओपन-सोर्स टेक्स्ट-टु-स्पीच मोडेलहरूमा पठाइन्छ।
यद्यपि नोटबुकलामाबाट तयार भएका पडकास्टहरू नोटबुकएलएमभन्दा कम प्राकृतिक सुनिन्छन् किनभने तिनमा अझैसम्म रोबोटिक गुण देखिन्छ र बीच-बीचमा आवाजहरू अनौठो ढंगले ओभरल्याप हुने प्रवृत्ति पाइन्छ।
यसको गुणस्तर सुधार गर्न मेटाका अनुसन्धानकर्ताहरूले सशक्त मोडेलहरूको प्रयोग आवश्यक रहेको बताएका छन्। गिटहब पेजमा अनुसन्धानकर्ताहरूले लेखेका छन्, “यसलाई थप प्राकृतिक बनाउन टेक्स्ट-टु-स्पीच मोडेल सीमित कारक हो। अर्को तरीका भनेको दुई एजेन्टले विषयमा बहस गरेर पोडकास्टको रूपरेखा बनाउनु हो। अहिले हामी एउटा मोडेलले नै पोडकास्टको रूपरेखा बनाउने काम गरिरहेका छौं।”
नोटबुकलामा नोटबुकएलएमको पडकास्ट फिचरलाई पुनःनिर्माण गर्न गरिएको पहिलो प्रयास होइन। केही परियोजनाहरूमा यसलाई सफलता मिलेको छ, तर अहिलेसम्म कसैले पनि एआईको “हलुसिनेसन” समस्या पूर्ण रूपमा समाधान गर्न सकेका छैनन्। यसैले एआईले बनाएको पडकास्टमा केही गलत जानकारी समावेश हुने सम्भावना रहने टेकक्रञ्चले जनाएको छ।
प्रकाशित: १३ कार्तिक २०८१, मंगलवार
