Technology Khabar ९ कार्तिक २०८१, शुक्रबार
काठमाडौं ।
ह्वाट्सएपले आफ्नो कन्ट्याक्ट्स अर्थात् सम्पर्क व्यवस्थापन गर्ने तरिकामा महत्वपूर्ण परिवर्तनको घोषणा गरेको छ। हालसम्म ह्वाट्सएपमा भएका सम्पर्कहरू फोनमा भएका सम्पर्कहरूसँग जोडिएका हुन्थे।
तर फोन हराएमा र सम्पर्कहरूको ब्याकअप नभएमा यो समस्या हुन सक्ने भएकाले यो परिवर्तन गर्न लागिएको जीएसएमएरिनाले उल्लेख गरेको छ।
यस्तै फोन साझा गर्नेहरूका लागि र एकै डिभाइसमा छुट्टाछुट्टै सम्पर्कहरू भएका धेरै अकाउन्टहरू व्यवस्थापन गर्नेहरूका लागि पनि यो झन्झटिलो हुन सक्छ।
तर अब ह्वाट्सएपले एउटा इन-एप सम्पर्क व्यवस्थापकको रुपमा यो समस्याको समाधान निकालेको छ। यसले तपाईंलाई सम्पर्कहरू व्हाट्सएपमा सुरक्षित राख्न दिन्छ जसले गर्दा तपाईंले फोन परिवर्तन गर्दा तिनीहरू हराउने छैनन्।
रिपोर्ट अनुसार यो नयाँ सुविधाको पहिलो चरणमा ह्वाट्सएप वेब र विण्डोजमा सम्पर्क सुरक्षित गर्ने क्षमता हुनेछ। पछि यसलाई अन्य लिंक गरिएको डिभाइसहरूमा पनि सम्पर्क सुरक्षित गर्न सकिने बनाइने मेटाले जनाएको छ।
ह्वाट्सएपमा तपाईंले सुरक्षित गरेका सम्पर्कहरू आईपीएलएस भनिने आइडेन्टिटी प्रूफ लिंक्ड स्टोरेज नामको नयाँ गोपनीयता-सुरक्षित भण्डारण प्रविधि प्रयोग गरेर सुरक्षित गरिनेछ। मेटाले यसलाई प्रयोगकर्ताका नाम र नम्बरहरूलाई इन्क्रिप्ट गरेर मात्र पहुँचयोग्य बनाउने बताएको छ।
भविष्यमा यो नयाँ सम्पर्क सुविधासँगै एक युजरनेम प्रणाली पनि आउनेछ, जसले तपाईंलाई फोन नम्बरमा निर्भर नगरी एप प्रयोग गर्न दिनेछ।
प्रकाशित: ९ कार्तिक २०८१, शुक्रबार
