आईफोन १६ प्रो र प्रो म्याक्समा ब्याट्री चाँडै सकिने समस्या

काठमाडौं ।

आईफोन १६ प्रो र आईफोन १६ प्रो म्याक्स प्रयोगकर्ताहरूले आफ्नो फोनको ब्याट्री चाँडै सकिने समस्या सामना गरिरहेका छन्। विशेष गरी नयाँ मोडेलका ब्याट्री पुराना मोडेलहरू भन्दा छिटो खेर गइरहेको बताइएको छ।

यो हप्ता धेरै प्रयोगकर्ताहरूले सामाजिक मञ्चहरूमा आफ्नो गुनासो राखेका छन्, र धेरैले यो समस्या आईओस १८ अपडेटका कारण भएको विश्वास गरेका छन्। नयाँ अपडेटहरूका कारण ब्याट्रीमा समस्या आउनु नयाँ कुरा नभएको तर पछिल्ला आईफोन मा यस्तो समस्या आउनुले ग्राहक र एप्पललाई चिन्तित बनाउन सक्ने न्युज१८ ले उल्लेख गरेको छ।

हालका रिपोर्टहरूका अनुसार यो समस्या धेरैजसो आईफोन १६ प्रोमा आईओएस १८ अपडेट रोल आउट हुँदा सुरु भएको हो। नयाँ अपडेटले सुरुमा केही अस्थिरता ल्याउन सक्छ, तर महँगो मूल्य तिरेर फोन किनेका व्यक्तिहरूले यस्तो स्थिति स्वीकार्न कठिन मान्न सक्छन्। केही प्रयोगकर्ताहरूले आईफोन १६ प्रो म्याक्स को ब्याट्री निष्क्रिय अवस्थामा ३ देखि ४ घण्टामा १५ देखि २० प्रतिशतले घटिरहेको रिपोर्ट गरेका छन् जुन आईफोन १३ प्रो म्याक्सको तुलनामा धेरै खराब हो।

अरू केही प्रयोगकर्ताहरूले भने आईफोन १६ प्रो म्याक्स मा ५ देखि ६ घण्टाको स्क्रीन-टाइम पाएको बताइरहेका छन् जुन सामान्य फ्ल्यागशिप आईफोनको स्ट्याण्डर्ड होइन।

न्युज१८ का अनुसार उनीहरुले गरेको स्वतन्त्र परीक्षणमा धेरै ठूलो ब्याट्री लाइफमा गिरावट नआएकोले यो समस्या केहि सीमित उपकरणहरूमा मात्र हुन सक्छ। यद्यपि, एप्पलले यो समस्या पुष्टि गरेको छैन वा यसबारे कुनै आधिकारिक जानकारी दिएको छैन, तर आउने iOS 18.1 अपडेटले यो समस्या समाधान गर्न सक्ला भन्ने अपेक्षा गर्न सकिन्छ।

एप्पललेए १७ प्रो चिपसेटसहितको आईप्याड मिनी ७ मोडेल पहिले नै सार्वजनिक गरिसकेको छ तर एम४ चिपसहितको नयाँ म्याकबूकको घोषणा भने अक्टोबरको अन्त्यसम्ममा हुने अपेक्षा गरिएको छ।