स्पेसएक्सले एकैपटक अर्बिटमा पठायो २० ओटा यूटेलस्याट वनवेब ब्रोडब्याण्ड स्याटेलाइट

काठमाडौं ।

स्पेसएक्सले आइतबार बिहान (अक्टोबर २०) अर्को कम्पनी यूटेलस्याटका लागि इन्टरनेट उपग्रहहरूको सेट अन्तरिक्षमा पठाएको छ। स्पेसएक्सले क्यालिफोर्नियाको भ्याण्डेनबर्ग स्पेस फोर्स बेसबाट फाल्कन ९ रकेटको माध्यमबाट यूटेलस्याट वनवेबकोको अन्तिम भी१ उपग्रहहरू बिहान १:१३ ईडीटी बिहान ५:१३ जीएमटीमा प्रक्षेपण गर्यो।

प्रक्षेपणपछि फाल्कन ९ पहिलो चरण योजना अनुसार पृथ्वीमा फर्कियो र उडान गरेको लगभग आठ मिनेटपछि भ्याण्डेनबर्गको ल्याण्डिङ जोन ४ मा सुरक्षित रूपमा अवतरण गर्यो।

स्पेसएक्सको मिसन विवरण अनुसार यो विशेष बूस्टरको लागि यो सातौं प्रक्षेपण र अवतरण रहेको अन्तरिक्षसम्बन्धी वेबसाइट स्पेस डटकमले उल्लेख गरेको छ।

फाल्कन ९ को माथिल्लो चरणले २० उपग्रहहरूलाई लो अर्थ अर्बिट पुर्‍याउन जारी राख्यो। योजना अनुसार प्रक्षेपणको ५९ मिनेटपछि २० मिनेटको अवधिमा यी उपग्रहहरू प्रक्षेपण गरिनेछ।

स्पेसएक्ससँगको यूटेलस्याट वनवेबको अघिल्लो प्रक्षेपण २०२३ को मे २० मा भएको थियो, जसले कम्पनीको उपग्रह समूहलाई ६३४ उपग्रहमा पुर्याएको थियो। त्यस समयमा यूटेलस्याट वनवेबले १६ वटा नयाँ उपग्रहहरूको सेटले उनीहरूको सेवाहरूलाई विश्वव्यापी बनाउन पर्याप्त हुने बताएको थियो।

“वनवेब यो वर्ष विश्वव्यापी सेवा पुर्याउने लक्ष्यमा अघि बढिरहेको छ र ग्राहकहरूको लागि सेवा विस्तारको प्रक्रियामा छ,” कम्पनीका अधिकारीहरूले त्यतिबेला भनेका थिए। त्यस समयमा कम्पनीलाई वनवेब भनेर चिनिन्थ्यो र यसको यूटेलस्याटसँगको मर्जर २०२३ को सेप्टेम्बरमा भयो।

“यस प्रक्षेपणबाट प्रक्षेपित उपग्रहहरूको थपसँगै, वनवेबले आफ्नो सेवा विस्तार गर्दा आफ्नो कन्स्टेलेसनको स्थिरता र पुनरावृत्ति क्षमता बढाउनेछ, जसले बढ्दो व्यापार र सरकारी ग्राहकहरूको आधारलाई सेवा पुर्याउँछ।”

स्पेस डटकमका अनुसार यो प्रक्षेपण प्रयासअघि स्पेसएक्सले तीनवटा सेटमा वनवेबका ४० वटा उपग्रहहरू एकैपटक अन्तरिक्षमा पठाएको थियो। स्पेसएक्सको यूटेलस्याट वनवेब उपग्रहहरू प्रक्षेपण गर्ने सम्झौता मार्च २०२२ देखि भएको हो।

त्यसबेला वनवेब कम्पनीले फ्रान्सेली कम्पनी एरियनस्पेसमार्फत रुसी सोयुज रकेटहरू प्रयोग गर्ने सम्झौताबाट पन्छिएपछि स्पेसएक्ससँग सहकार्य गरेको थियो।

रूसले युक्रेनमा अनाधिकृत रूपमा आक्रमण गरेपछि रसियाको संघीय अन्तरिक्ष एजेन्सी रोस्कस्मसले कम्पनीले दुई सर्तहरू पूरा नगरुञ्जेल त्यतिबेला सोयुज रकेटमा राखिएका ३६ वटा वनवेब उपग्रहहरू प्रक्षेपण गर्न अस्वीकार गर्यो।

ती सर्तहरू ‘उपग्रहहरू सैन्य प्रयोजनका लागि प्रयोग नगरिने र बेलायतले वनवेब कम्पनीमा रहेको आफ्नो लगानी हटाउनुपर्ने रहेका थिए। वनवेबले यी सर्तहरू पूरा गर्न अस्वीकार गरेपछि सोयुज रकेटलाई कजाख्स्तानको बाइकोनुर कस्मोड्रोम स्थित प्रक्षेपणस्थलबाट स्याटलाइटसहित हटाइएको थियो।