भिभोको एक्स२०० प्रो र एक्स२०० प्रो मिनी पहिलो डाइमेन्सिटी ९४०० फ्ल्यागशिपको रूपमा अनावरण

काठमाडौं ।

भिभोले समय तालिका अनुसार भर्खरै आफ्नो नवीनतम फ्ल्यागशिप स्मार्टफोनहरू एक्स२०० प्रो र एक्स२०० प्रो मिनी लन्च गरेको छ। एक्स२०० प्रो ले परिचित फल–साइज्ड (पूर्ण आकार)को फ्ल्यागशिप एक्सपिरियन्स  प्रदान गर्दछ भने एक्स२०० प्रो मिनीले प्रभावशाली २०० मेगापिक्सेल टेलिफोटो लेन्स र ठूलो ब्याट्री सहित थप कम्प्याक्ट डिजाइनमा सबै समान सुविधाहरू समेटेको जनाइएको छ।

भिभो एक्स२०० प्रो मिनी र एक्स२०० प्रो को स्पेसिफिकेसन

यो सिरिजको सबैभन्दा ठूलो मोडेल एक्स२०० प्रो को चारैतिर न्यूनतम बेजेलसहित ठूलो कर्भ्ड डिस्प्ले रहेको छ। उक्त स्क्रिन ६.७८ इन्चको रहेको छ भने उक्त एलटीपीओ प्यानलमा १२० हर्जको हाई रिफ्रेस रेट, ४५०० निट्सको उत्कृष्ट ब्राइटनेस र प्रिमियम भ्यूइङ्ग एक्सपिरियनसको लागि डल्बी भिजन समर्थन रहेको छ।

गीज्मोचाइनाका अनुसार एक्स२०० प्रो मिनीमा ६.३१–इन्चको थोरै सानो र फ्ल्याट डिस्प्ले रहेको भए तापनि अन्य स्पेक्स भने प्रो मोडेलको जस्तै रहेको जनाइएको छ। साथै यसमा एलटीपीओ १२० हर्ज रिफ्रेस रेट र ४५०० निट्स ब्राइटनेस समावेश रहेको थप उल्लेख गरिएको छ।

त्यसैगरी दुवै फोनहरू विभिन्न रङ्गहरूमा आउने उल्लेख गरिएको छ। एक्स२०० प्रो ले एक अद्वितीय “सफायर ब्लू” रङ्ग प्रस्तुत गरेको जनाइएको छ जसले प्रकाशमा समुद्रका छालहरूको नक्कल गर्ने थप उल्लेख गरिएको छ। हुड अन्तर्गत दुवै फोनहरूमा भिभो सँग सह–विकसित नयाँ मिडियाटेक डाइमेन्सिटी ९४०० प्रोसेसर प्याक गरिएको उल्लेख छ।

एसओसीले मिडियाटेकको नवीनतम ३एनएम प्रक्रिया प्रयोग गर्नुका साथै डिमान्डिङ्ग टास्क (माग गर्ने कार्यहरू) को लागि शक्तिशाली कोर्टेक्स–एक्स९२५ सुपर कोर रहेको छ। साथै ग्राफिकल्ली डिमान्डिङ्ग टास्कहरू ह्यान्डल गर्न यसमा १२–कोर जीपीयू रहेको जनाइएको छ।

भिभोले आफ्नो तेस्रो पुस्ताको सिलिको एनोड टेक्नोलोजीका कारण दुवै फोनमा ठूला ब्याट्रीहरू समावेश गरिएको छ। एक्स२०० प्रो मा ठूलो ६,००० एमएएच ब्याट्री समावेश गरिएको छ भने एक्स२०० प्रो मिनीमा ५,७०० एमएएच ब्याट्री रहेको उल्लेख गरिएको छ। साथै दुवै फोनहरूले ९० डब्ल्यूमा फास्ट वायर्ड चार्जिङ र ३० डब्ल्यूमा वायरलेस चार्जिङ समर्थन गर्ने जनाइएको छ।

एक्स२०० प्रो सिरिजमा रहेको क्यामरा प्रणालीले एक्स१०० अल्ट्रामा पाइने जाइस अप्टिक्स र भिभोको भी३+ इमेजिङ चिपको साथ ट्रिपल रियर सेटअप सुविधा दिने जनाइएको छ।

यसमा कस्टम एफ/१.५७ लेन्सको साथ १/१.२८–इन्च इमेजरसहितको सोनी एल वाईटी–८१८ मुख्य सेन्सर रहेको जनाइएको छ। साथै प्राविधिक रूपमा एक्स१०० प्रो सिरीजमा १–इन्च सेन्सरबाट एक कदम तल झर्दा, भिभोले यो नयाँ सेन्सरले फोटो खिच्नेमा ठूला सेन्सरहरूलाई प्रतिस्पर्धा गर्न र भिडियो रेकर्डिङमा तिनीहरूलाई पार गर्न सक्ने दावी गरेको छ।

त्यसैगरी वास्तविक अपग्रेडको रुपमा एक्स१०० अल्ट्राबाट सापट लिइएको प्रभावशाली २०० मेगापिक्सेलको जाइस एपीओ टेलिफोटो क्यामरा समावेश गरिएको जनाइएको छ। यसले ब्राइट एफ/२.६७ लेन्सको साथ ८५ मिमी (३.७×) जुम प्रदान गर्ने थप उल्लेख गरिएको छ।

साथै क्यामरा प्रणालीमा ५० मेगापिक्सेलको अल्ट्रावाइड सेन्सर र अटोफोकससहितको ३२ मेगापिक्सेलको सेल्फी क्यामरा रहेको थप उल्लेख गरिएको छ।

मूल्य र उपलब्धता

भिभो एक्स२०० प्रो १२जीबी/२५६जीबी, १६जीबी/५१२जीबी, १६जीबी/१टीबी, र एक विशेष १६जीबी/१टीबी स्याटेलाइट संस्करण गरी चारवटा स्टोरेज कन्फिगरेसनहरूमा आउने जनाइएको छ।

बेस मोडेल १२जीबी/२५६जीबी को लागि ५,२९९ चिनियाँ युआन (लगभग ७५० अमेरिकी डलर) बाट मूल्य सुरु हुन्छ भने बाँकी तीन मोडेलहरू १६जीबी/५१२ जीबीको मूल्य ५,९९९ चिनियाँ युआन, १६जीबी/१टीबीको मूल्य ६,४९९ चिनियाँ युआन र १६जीबी/१टीबी स्याटेलाइट संस्करणको मूल्य ६,७९९ चिनियाँ युआन कायम गरिएको उल्लेख छ।

त्यसैगरी एक्स२०० प्रो मिनी १२जीबी/५१२जीबी, १६जीबी/५१२जीबी र १६जीबी/१टीबी गरी तीनवटा स्टोरेज विकल्पहरूमा आउने जनाइएको छ। साथै १२जीबी-५१२जीबीको मूल्य ४,६९९ चिनियाँ युआनअ, १६जीबी/५१२जीबीको मूल्य ५,२९९ चिनियाँ युआन र १६जीबी/१टीबीको मूल्य ५,७९९ चिनियाँ युआन कायम गरिएको जनाइएको छ।

यद्यपि विश्वव्यापी उपलब्धताको बारेमा अझै कुनै जानकारी उपलब्ध नभए तापनि भिभोले यी स्मार्टफोनहरू चाँडै अन्तर्राष्ट्रिय बजारहरूमा लन्च गर्नेछ भनेर आशा गर्न सकिने गीज्मोचाइनामाले उल्लेख गरेको छ।