पिक्सेल ९ प्रो एक्सएलले धेरै व्यक्तिगत डाटा संकलन गरेको आरोपको गुगलद्वारा खण्डन

काठमाडौं ।

गुगलले पिक्सेल ९ प्रो एक्सएलले धेरै व्यक्तिगन डाटा संकलन गरेको आरोपको खण्डन गरेको छ।

केही दिनअघि साइबरन्यूजले प्रकाशित गरेको एक रिपोर्टले पिक्सेल ९ प्रो एक्सएलले फोन सेटअप गर्नेभन्दा पहिल्यै हरेक १५ मिनेटमा व्यक्तिगत जानकारी गूगलसँग सेयर गर्ने दावी गरेको थियो। यसमा तपाईँको स्थान, इमेल ठेगाना, फोन नम्बर, एपहरूको सूची, र अन्य टेलिमेट्री डाटा समावेश हुन्छ।

तर गोपनीयतामा केन्द्रित एन्ड्रोइड फोर्क “ग्राफिनओएस” का विकासकर्ताहरूले भने यो केवल पिक्सेल ९ प्रो एक्सएलको मात्र समस्या नभई यो सबै एन्ड्रोइड उपकरणहरूको सामान्य व्यवहार भएको बताएका छन्। उनीहरूले आईओएसले पनि प्रायः उस्तै प्रकारको जानकारी संकलन गर्ने गरेको पनि बताएको छ।

रोयटर्सका अनुसार साइबरन्यूजले रिपोर्ट प्रकाशित गर्नुअघि नै गुगलसँग सम्पर्क गरेको छ जसमा माउन्टेन भ्युबाट आएको जवाफ यस्तो थियो: “प्रयोगकर्ताको सुरक्षा र गोपनीयता पिक्सेलका लागि शीर्ष प्राथमिकता हो। तपाईँले उपकरण सेटअप र सेटिङहरूमा डाटा सेयरिङ, एप अनुमति र अन्य धेरै कुराहरू व्यवस्थापन गर्न सक्नुहुन्छ। यो रिपोर्टले महत्त्वपूर्ण सन्दर्भहरू छुटाएको छ, प्राविधिक विवरणहरूको गलत व्याख्या गरेको छ, र सबै मोबाइल उपकरणहरूमा आवश्यक डाटा प्रसारणहरूको सही व्याख्या गरेको छैन, जस्तै सफ्टवेयर अपडेटहरू, आवश्यक सुविधाहरू, र व्यक्तिगत अनुभवहरू,” गुगलका प्रवक्ताले भनेका थिए।

थप रूपमा गुगलले एन्ड्रोइडलाई अझ बढी निजी बनाउन परिवर्तनहरू गर्दै आएको छ। गत वर्षको अन्त्यतिर, गूगलले तपाईँको स्थान इतिहास समेटिएको “योर टाइमलाइन” फिचरलाई क्लाउडबाट निकालेर उपकरणमा नै सार्ने घोषणा गरेको थियो।

यदि तपाईँले हालसम्म मेल प्राप्त गर्नुभएको छैन भने, छिट्टै तपाईँलाई सेटिङ परिवर्तन गर्न अनुरोध गर्ने मेल प्राप्त हुनेछ। तपाईँ आफ्नो स्थान इतिहास उपकरणमा सार्न वा स्वत: मेट्ने विकल्प सक्रिय गर्न सक्नुहुन्छ (यसले तपाईँको प्राथमिकतामा निर्भर गर्दै तपाईँको डाटा ३ वा १८ महिनामा स्वचालित रूपमा मेटाउँछ)।