नयाँ मिटिङ बटनमार्फत् भिडियो कल अझ सजिलो बनाउँदै गुगल

काठमाडौं ।

गुगलले आफ्नो भिडियो कलिङ प्लेटफर्म गुगल मिटमा ठूला परिवर्तनहरू ल्याउँदै एउटा नयाँ इन्टरफेस र ‘नयाँ’ बटनको साथ अपडेट प्रस्तुत गरेको छ।

यो अपडेट गरिएको कल स्क्रीनले कलको समयमा प्राय: प्रयोग हुने उपकरणहरूलाई अझ सजिलो बनाएको छ, जबकि नयाँ बटनले नयाँ मिटिङ सिर्जना गर्ने, तालिका बनाउन, वा समूह बनाउनका साथै तुरुन्त कल गर्नका लागि सम्पर्कहरू देखाउने विकल्पहरू दिने न्युज१८ ले उल्लेख गरेको छ।

यो नयाँ डिजाइनले अघिल्लो इन्टरफेसलाई प्रतिस्थापन गर्दै सफा र प्रयोगकर्तामैत्री अनुभव प्रदान गरेको छ। नयाँ बटन गुगल मिटको होम स्क्रीनको तल दायाँपट्टि राखिएको छ। यसलाई क्लिक गर्दा ‘स्टार्ट अ कल’ नामक नयाँ स्क्रीन खुल्छ, जसमा तीनवटा विकल्पहरू माथि देखिन्छन्— ‘क्रियट अ न्यु मिटिङ,’ ‘शेड्युल इन गुगल क्यालेण्डर’ र ‘ क्रियट ग्रुप’ जुन गोलो बक्सभित्र देखाइन्छ।

थप सुविधाहरूमा ‘सजेजन्स’ समावेश छ, जसले अघिल्लो सूचीमा आधारित इन्टरफेसलाई प्रतिस्थापन गर्दै अहिलेका सम्पर्कहरूको ग्रिड देखाउँछ, जसले एकै ट्यापमा बारम्बार कल गर्न सजिलो बनाउँछ।

साथै सर्च बारमा ‘कोड’ नामक छुट्टै विकल्प थपिएको छ, जसले विशेष गरी पहिल्यै तय गरिएका कलहरूका लागि पहुँच कोड प्रयोग गरी मिटिङहरूमा सहभागी हुन सजिलो बनाउँछ।

यी नयाँ सुविधाहरू विशेष रूपमा एन्ड्रोइड स्मार्टफोन प्रयोगकर्ताहरूका लागि गुगल मिटको भर्जन २६६ मा उपलब्ध रहेका जनाइएको छ। यो अपडेटले गुगलको गुगल मिटमा प्रयोगकर्ताको अनुभव सुधार गर्न निरन्तर प्रयासलाई प्रतिबिम्बित गर्दछ।