जेमिनी लाइभ अब ४० भन्दा बढी भाषाहरूमा उपलब्ध हुने

काठमाडौं ।

भर्खरै मात्र सबैका लागि निःशुल्क रूपमा उपलब्ध भएको गुगलको जेमिनी लाइभ कन्भर्सेसनल एआई एक्सपिरियन्स सर्भिसको लागि कम्पनीले अब अर्को विकासको घोषणा गरेको छ।

बिहीबारदेदिख सुरु भएको रोल आउट आउँदो हप्ताहरूसम्म जारी रहने यस कन्भर्सेसनल जेमिनी लाइभले ४० भन्दा बढी भाषाहरूलाई समर्थन गर्ने जनाइएको छ।

जीएसएमएरिनाका अनुसार जेमिनी लाइभले एउटै डिभाइसमा दुई भाषाहरूमा कुराकानीहरूलाई समर्थन गर्नेछ भने भविष्यमा यसलाई थप भाषाहरूमा विस्तार गर्ने योजनाहरू रहेको छ।

यद्यपि गुगलले जेमिनी लाइभमा चाँडै उपलब्ध हुने उक्त ४०+ भाषाहरूको सूची भने साझा गरेको छैन। यस रोलआउट अघि केवल अंग्रेजी, जर्मन, स्पेनिश, फ्रान्सेली र पोर्तुगाली समर्थित थिए भने यो एक धेरै महत्त्वपूर्ण विस्तार भएको थप उल्लेख गरिएको छ।

जेमिनी लाइभको लागि आफ्नो मनपर्ने भाषाहरू परिवर्तन गर्नको लागि गुगल एप खोलेर सेटिङहरू भित्र गएर गुगल एसिस्टेन्ट भित्र भाषाहरूमा गएर एउटा छान्न सकिने छ। त्यसपछि वैकल्पिक रूपमा दोस्रो समर्थित भाषा थप्न सकिने जनाइएको छ।

यसबाहेक “आउँदो हप्ताहरूमा” नयाँ डिभाइसहरूमा विभिन्न एपहरूमा धेरै भाषाहरूमा कनेक्ट गर्न सक्षम हुने उल्लेख गरिएको छ।

गुगलले यसको लागि तीनवटा उदाहरणहरू दिएको छः जेमिनीले तपाईंलाई जीमेलमा पठाइएको रेसिपी फेला पारेर गुगल कीपमा तपाईंको किनमेल सूचीमा सामग्रीहरू थप्नको लागि सोध्ने; कन्सर्ट फ्लायरको फोटो खिचेर जेमिनीलाई तपाईं त्यो दिन फ्री हुनुहुन्छ कि हुनुहुन्न भनेर सोध्ने, साथै टिकटहरू किन्नको लागि रिमाइन्डर सेट गरेर तपाईंको मनपर्ने हास्य पुस्तक चलचित्र सार्वजनिक हुँदा जेमिनीलाई यसको लागि टिकटहरू किन्नको लागि यसको रिलीज हुनु अघि एक हप्ता सम्झाउनको लागि सोध्न सकिने जीएसएमएरिनाले उल्लेख गरेको छ।