एप्पल वाच प्रयोगकर्तालाई यो अपडेट इन्स्टल नगर्न किन आयो चेतावनी?

काठमाडौं ।

एप्पल हालका नयाँ अपडेटहरूका कारण समस्यामा परेको छ र यस पटक समस्या एप्पल वाच मोडेलहरूमा देखिएको छ।

धेरै प्रयोगकर्ताहरूले आफ्नो डिभाइस फ्रिज भएको गुनासो गरेपछि कम्पनीले watchOS 11.1 को बीटा ३ अपडेट रोक्न बाध्य भएको छ। यो समस्या आए प्रयोगकर्ताहरूले आफ्नो डिभाइसलाई बलपूर्वक पुन: सुरु गर्नुपर्ने अवस्था आएको थियो।

न्युज१८ का अनुसार एप्पलको नयाँ अपडेटपछि कुनै डिभाइस फ्रिज भएको यो पहिलो पटक होइन। गत सेप्टेम्बरमा एप्पल आईप्याड प्रो एम४ मोडेलले पनि यस्तै समस्या झेल्नु परेको थियो।

धेरै आईप्याड प्रो एम४ प्रयोगकर्ताहरूले आफ्नो डिभाइस ‘ब्रिकिङ’ भएकोअर्थात् प्रयोग गर्न असमर्थ भएको गुनासो गरेका थिए। वाचओएसमा भने यो समस्या अलि फरक छ किनकि यो एउटा बीटा संस्करण हो।

यसले सामान्य रूपमा केहि समस्या ल्याउन सक्छ र यसलाई इन्स्टल गर्नुअघि प्रयोगकर्ताहरूलाई सचेत गराइएको हुन्छ।

एप्पलले आईप्याडओएस १८ अपडेटको रोलआउट केवल सबैभन्दा बढी प्रभावित भएका कारण एम४ आईप्याड प्रो प्रयोगकर्ताहरूका लागि रोक्नुपर्ने अवस्था आएको न्युज१८ले उल्लेख गरेको छ।