Technology Khabar १७ आश्विन २०८१, बिहीबार
काठमाडौं ।
फेसबुकको मूल कम्पानी मेटाले भियतनाममा आफ्नो पदचिह्न बढाउनको लागि आफ्नो पछिल्लो प्रयासको रुपमा सन् २०२५ देखि आफ्नो नवीनतम मिक्स्ड रियलिटी हेडसेटहरूको उत्पादन सहित आर्टिफिसियल इन्टेलिजेन्स इनोभेसन (कृत्रिम बुद्धिमत्ता नवाचार) मा लगानी विस्तार गर्ने मेटा प्लेटफर्मले मंगलबार बताएको छ।
मेटाका ग्लोबल अफेयर्स अध्यक्ष निक क्लेगले भियतनामको भ्रमणको क्रममा भियतनामका राष्ट्रपति टो लामलाई न्यूयोर्कमा भेटेको एक हप्तापछि यो घोषणा आएको जनाइएको छ।
“सन् २०२५ को सुरुवातमा, मेटाले भियतनाममा आफ्नो नवीनतम मिक्स्ड रियलिटी डिभाइस क्वेस्ट ३एस को निर्माण विस्तार गर्नेछ” क्लेगले एक विज्ञप्तिमा बताए।
यद्यपि मेटाले लगानीको आकार र भियतनाममा अवस्थित सञ्चालनको बारेमा टिप्पणीको लागि गरेको रोयटर्सको अनुरोधलाई प्रतिक्रिया दिएको छैन।
साथै मेटाले आपूर्तिकर्ताहरू मार्फत उत्पादन गरेको हो कि होइन भनेर स्पष्ट पनि नपारेको भनि थप उल्लेख गरिएको छ।
मेटाको भियतनाममा यसको फेसबुक सोशल मिडिया प्लेटफर्मको लाखौं प्रयोगकर्ताहरू रहेका छन्।
“भियतनाम मेटाको लागि महत्त्वपूर्ण देश हो। लाखौं साना व्यवसायहरू र उपभोक्ताहरू हाम्रो प्लेटफर्महरूमा भर पर्छन्” क्लेगले उल्लेख गरेका छन्।
गत जुन महिनामा देशमा मेसेन्जर परीक्षणको लागि आफ्नो बिजनेस एआई सुरू गरेको मेटाले छिट्टै भियतनाममा मेटा एआई परीक्षण सुरु गर्ने जनाएको छ। साथै यस वर्षको अन्त्यमा यसको पूर्ण लन्च हुने मेटाले थप उल्लेख गरेको छ।
प्रकाशित: १७ आश्विन २०८१, बिहीबार
