चार्जमा राखेको मोबाइलमा कार्टुन हेर्दा भारतमा एक बालकको हातैमा पड्कियो फोन

काठमाडौं ।

छिमेकी देश भारतको मध्य प्रदेशमा १२ वर्षीय बालकको हातमा रहेको मोबाइलमा कार्टुन हेर्दै गर्दा बम झैं विस्फोट भएको छ। बालकको हातमा गम्भिर चोट लागेको बताइएको छ। यसबाहेक घरका अर्का एक बालक पनि घाइते भएको खबर छ, जो उनको भाइ भएको बताइएको छ।

मिडिया रिपोर्टकाअनुसार, मध्य प्रदेशको छिन्दवाडाबाट मोबाइल विस्फोटको यो दुखद घटना बाहिर आएको हो। यहाँको कलकोटी देवरी गाउँमा १२ वर्षीय बालकको हातमा रहेको मोबाइल पड्किएपछि हल्लाखल्ला भएको थियो। एनबीटीको रिपोर्टका अनुसार त्यो बेला फोन चार्जमा थियो। मोबाइलमा विस्फोट हुँदा बालकको हातमा गहिरो चोट लागेको छ भने उनको हात र तिघ्रामा चोट लागेको खबर छ।

रिपोर्टअनुसार, घरमा अभिभावकहरु नभएको समयमा १२ वर्षका छोरा रामरहेश घरमा चार्ज भइरहेको जियो किप्याड मोबाइलमा साथीहरूसँग कार्टुन हेरिरहेका थिए। त्यसपछि अचानक मोबाइल पड्किएको थियो।

दुर्घटनापछि बालकलाई नजिकैको अस्पतालमा लगिएको थियो जहाँ उनको अवस्था हेरेर चिकित्सकले थप उपचार गरेका थिए । मोबाइल चार्जमा रहेको र चार्जबाट बाहिर निस्कन नसकेको परिवारका सदस्यले बताएका छन्।

सायद मोबाइल चार्जिङमा अड्किएकै कारण यस्तो दुर्घटना भएको हो । बालकसँगै अर्का एक बालक पनि घाइते भएको बताइएको छ तर गम्भीर चोटपटक नभएकाले प्राथमिक उपचारपछि घर पठाइएको छ।