साढे ९ अर्ब डलर ऋण लिँदै टिकटकको मूल कम्पनी बाइटडान्स

काठमाडौं ।

टिकटकको मूल कम्पनी बाइटडान्सले बैंकहरूसँग साढे ९ अर्ब डलर ऋणका लागि सम्पर्क गरेको बुझिएको छ। यो आँकडा जापानबाहेक एशियामा सबैभन्दा ठूलो डलर-मानको कर्पोरेट ऋण सुविधा हुनेछ रोयटर्सले जनाएको छ।

यसबारेमा दुई अलग अलग स्रोतहरूले सोमबार जानकारी उपलब्ध गराएका थिए। सिटिग्रुप, गोल्डम्यान स्याक्स, र जेपीमर्गन यस ऋणको व्यवस्थापनकर्ताहरू हुने बताइएको छ।

यो ऋणको अवधि तीन वर्षको हुने र पाँच वर्षसम्म बढाउन सकिने प्रावधान राखिएको गोप्य छलफल भएको कारण आफ्नो नाम नखुलाउने शर्तमा ती स्रोतले बताएका हुन्।

ब्लुमबर्ग न्यूजले यसअघि यो ऋण आंशिक रूपमा विद्यमान ५ अर्बको द्वि-भाग सुविधा पुनर्वित्त गर्न प्रयोग गरिने रिपोर्ट गरेको थियो।