आठ मन्त्रालयका वेबसाइट: कुनै खुल्दैनन, कुनै खुल्छन् तर ‘असुरक्षित’ ट्यागसहित

काठमाडौं ।

नेपाल सरकार अन्तर्गतका ८ ओटा मन्त्रालयहरुको वेबसाइट कुनै नखुल्ने र कुनै खुल्दा पनि असुरक्षित तवरले खुल्ने भएका छन्।

केही समयअघिसम्म रक्षा; शिक्षा, विज्ञान तथा प्रविधि ; कानून, न्याय तथा संसदीय मामिला; भूमि व्यवस्था, सहकारी तथा गरिबी निवारण ;महिला, बालबालिका तथा ज्येष्ठ नागरिक; युवा तथा खेलकुद; ऊर्जा, जलस्रोत तथा सिंचाइ र वन तथा वातावरण मन्त्रालयका वेबसाइट खोल्न खोज्दा सर्भिस ‘अनअभाइलेबल’ देखाउने गरेको थियो।

त्यसको केही समयमा ‘योर कनेक्शन इज नट प्राइभेट’ भन्दै कि त ‘एडभान्स्ड’ अप्शनमा जान कि त फर्किन निर्देशन आउन थाल्यो।

त्यसको केही समयमा ८ मध्ये धेरैजसो वेबसाइट खुल्ने तर अगाडिको एचटीटीपीएस काटिएर रातो अक्षरमा ‘नट सेक्योर्ड’ लेखेर आउने गरेको छ भने १/२ ओटा वेबसाइट अझै ‘सर्भिस अनअभाइलेबल’ कै अवस्थामा रहेका छन्।

आठ ओटै मन्त्रालयका वेबसाइट खोल्दा अहिले पनि निम्नलिखित समस्या वा अवस्था देख्न सकिन्छ

रक्षा; service unavailable

शिक्षा, विज्ञान तथा प्रविधि;योर कनेक्शन इज नट प्राइभेट’

कानून, न्याय तथा संसदीय मामिला; not secure (https काटिएको)

भूमि व्यवस्था, सहकारी तथा गरिबी निवारण;not secure

महिला, बालबालिका तथा ज्येष्ठ नागरिक;not secure

युवा तथा खेलकुद; not secure (https काटिएको)

ऊर्जा, जलस्रोत तथा सिंचाइ; not secure (https काटिएको)

वन तथा वातावरण मन्त्रालय;’योर कनेक्शन इज नट प्राइभेट’

यसरी असुरक्षित देखिएका वेबसाइटमा देखिएका not secure  क्लिक गर्दा आफ्ना पासवर्ड, क्रेडिट कार्ड नम्बर लगायतका संवेदनशील सूचना नराख्न सचेत गराइएको छ। राखेमा साइबर हमलाकारीले ह्याक गर्न वा चोर्न सक्ने चेतावनीसमेत दिइएको छ।

यसरी देशकै रक्षालगायतका महत्वपूर्ण मन्त्रालयका सूचनाहरु राख्ने वेबसाइट असुरक्षित हुँदा ह्याकर र साइबर अपराधीहरुले निशाना बनाउनसक्ने खतरा रहन्छ।

सरकारी साइटहरु अपडेट राख्ने काम एकिकृत डाटा व्यवस्थापन केन्द्र (राष्ट्रिय सूचना प्रविधि केन्द्र) को हो र यसलाई हाल सूचना प्रविधि विभाग मातहत राखिएको छ।

यसै विषयमा बुझ्न सूचना प्रविधि विभागका सूचना अधिकारीलाई सम्पर्क गर्दा फोन उठेन।