Technology Khabar १७ भाद्र २०८१, सोमबार
काठमाडौं ।
च्यटजीपीटी निर्माता कम्पनी ओपनएआईले हालै राजनैतिक हस्ती क्रिस लेहानेलाई ग्लोबल पोलिसीको उपाध्यक्ष नियुक्त गरेको छ। लेहानेलाई यो पदमा नियुक्त गरेको बारे गत शुक्रबार न्युयोर्क टाइम्सले समाचार प्रकाशन गरेको हो।
ओपनएआईमा कार्यकारी टीममा रहेका लेहाने यसअघि एयरबीएनबीका नीति प्रमुख अर्थात् पोलिसी चिफ तथा क्लिन्टन ह्वाइट हाउसका सदस्यसमेत रहेका रोयटर्सले जनाएको छ।
यसबारेमा बुझ्न खोज्दा ओपनएआईले तत्काल कुनै प्रतिक्रिया नदिएको रोयटर्सको भनाई छ। लेहानेको यो नियक्ति हालै टेक जायन्ट एप्पल र चिप जायन्ट एनभिडियाबीच ओपनएआईमा संयुक्त रुपमा लगानी गर्नेबारे भएका चरणबद्ध छलफलपछि आएको बुझिएको छ।
यी दुई अग्रणी कम्पनीले माइक्रोसफ्टको सहयोगमा शुरु गरिएको यो स्टार्टअपमा नयाँ फण्डिङ राउण्डका बेला लगानी गर्ने र यसबाट माइक्रोसफ्टको यो स्टार्टअपको पुँजी १० खर्ब डलरसम्म पुग्ने समाचारमा उल्लेख छ।
यसअघि शुक्रबार नै द फाइनान्सियल टाइम्सले ओपनएआई अझ बढी लगानीकर्ता मैत्री हुनका लागि आफ्नो कर्पोरेट संरचनामा परिवर्तन ल्याउन प्रयासरत रहेको समाचार प्रकाशन गरेनको बुझिएको छ।
प्रकाशित: १७ भाद्र २०८१, सोमबार
