च्याटजीपीटीको साप्ताहिक सक्रिय प्रयोगकर्ता संख्या २० करोड

काठमाडौं ।

च्याटजीपीटीले गत नोभेम्बर महिनादेखि आफ्ना साप्ताहिक सक्रिय प्रयोगकर्ता दोब्बर बनाउन सफल भएको छ। तर कम्पनीले यसलाई खासै अचम्मको कुरा भने नभएको उल्लेख गरेको छ।

च्याटजीपीटीलाई गत वर्षदेखि निकै चर्चा भएको एआईतर्फ च्याटजीपीटी सबैभन्दा प्रसिद्ध जेनेरेटिभ एआई च्याटबटमा रुपमा मानिन्छ।

ओपनएआई सेवामा अब हरेक हप्ता २० करोड सक्रिय प्रयोगकर्ताहरू समावेश हुने गरेको जनाइएको छ जुन सन् २०२३ को १०० मिलियन (१० करोड) बाट निकै बढि भएको उल्लेख गरिएको छ।

जीएसएमएरिनाका अनुसार फर्च्यून ५०० कम्पनीहरूको सूचीमा रहेकामध्ये ९२ प्रतिशतले आफ्नो उत्पादनहरू प्रयोग गरिरहेका ओपनएआईको दावी छ। यसको अटोमेटेड (स्वचालित) एपीआईको प्रयोग पनि गत महिनाको जीपीटी–फोरओ मिनीको रिलीजपछि दोब्बर भएको थप उल्लेख गरेको छ।

‘मानिसहरूले अहिले हाम्रो उपकरणहरू उनीहरूको दैनिक जीवनको एक भागको रूपमा प्रयोग गरिरहेको छन्, स्वास्थ्य सेवा र शिक्षा जस्ता क्षेत्रहरूमा वास्तविक भिन्नता ल्याइरहेका छन्– चाहे यो नियमित कार्यहरूमा मद्दत गर्न होस, कठिन समस्याहरू समाधान गर्न वा रचनात्मकतालाई अनलक गर्ने होस’, ओपनएआईका सीईओ साम अल्टम्यानले बताएको जीएसएमएरिनाले उल्लेख गरेको छ।