एप्पलले भारतमा यो वर्ष ६ लाख रोजगारी सिर्जना गर्ने अनुमान

काठमाडौं ।

टेक दिग्गज प्रविधि कम्पनी एप्पलले भारतमा आफ्नो उत्पादन क्षमता बढाउँदैछ। यसको प्रत्यक्ष लाभ देशका जनताले पाएका छन्।

द इकोनोमिक टाइम्सको रिपोर्टका अनुसार भारतमा एप्पलको बढ्दो अपरेसनले यस आर्थिक वर्षको अन्त्यसम्ममा ६ लाख रोजगारी सिर्जना गर्ने अपेक्षा गरिएको छ। कम्पनीले चीनमा भइरहेको काममा निर्भरता घटाउँदै भारतमा उत्पादन बढाएको छ। यसका कारण भारतमा सृजना हुने रोजगारीमध्ये अधिकांश पद महिलाको हुनेछ।

रिपोर्टमा एप्पल र यसका आपूर्तिकर्ताहरूले सरकारलाई दिएको केही डाटा उल्लेख गरिएको छ। यी तथ्याङ्क र अनुमानहरूले देखाएको छ कि अर्को वर्ष मार्चसम्म, भारतमा एप्पलको कार्यबलमा २ लाख प्रत्यक्ष रोजगारीहरू सिर्जना हुने अपेक्षा गरिएको छ, जसमध्ये करिब ७० प्रतिशत पदहरू महिलाका लागि हुनेछन्।

रिपोर्टमा स्रोतलाई उद्धृत गर्दै एप्पलले भारतका तीन कम्पनीलाई ठेक्का दिएको बताएको छ। यसमा फक्सकन, विस्ट्रोन (अहिले टाटा इलेक्ट्रोनिक्स) र पेगाट्रोन समावेश छन्। तीनै कम्पनीले ८० हजार ८७२ प्रत्यक्ष रोजगारी श्रृजना गरेका छन् । यसबाहेक टाटा समूह, सालकम्प, मदरसन, फक्सलिंक (तमिलनाडुमा), सुनवोडा (उत्तर प्रदेशमा), एटीएल (हरियाणामा) र जबिल (महाराष्ट्रमा) जस्ता ठूला आपूर्तिकर्ताहरूले मिलेर करिब ८४ हजार प्रत्यक्ष रोजगारी सिर्जना गरेका छन्।

प्रतिवेदनमा भनिएको छ कि हालैका वर्षहरूमा, एप्पल यसको कार्यबलमा महिला र नयाँ आगमनहरूको उच्च सहभागिताको साथ, भारतमा सबैभन्दा ठूलो रोजगारदाता कम्पनीको रूपमा उभिएको रिपोर्टमा भनिएको छ। सन् २०२० मा स्मार्टफोन पिएलआई योजना सुरु गरेपछि, एप्पल विक्रेता र आपूर्तिकर्ताहरूले भारतमा १ लाख ६५ हजार प्रत्यक्ष रोजगारहरू सिर्जना गरेका छन्।

सरकारले इलेक्ट्रोनिक्स उद्योगमा प्रत्येक प्रत्यक्ष पदले तीन थप अप्रत्यक्ष रोजगारी सिर्जना गर्ने अनुमान गरेको छ। यसको अर्थ आगामी मार्चको अन्त्यसम्ममा एप्पल इकोसिस्टमले भारतमा ५ देखि ६ लाख रोजगारी सिर्जना गर्न सक्छ।