युट्युबले भारतमा प्रिमियम सदस्यताको मूल्य बढायो

काठमाडौं ।

भिडियो स्ट्रिमिङ सेवा युट्युबले भारतमा आफ्नो प्रिमियम सेवाको मूल्य बढाएको छ। यस विज्ञापन-रहित सेवाको सबै सदस्यता योजनाहरूको दर बढाइएको छ। यसमा व्यक्तिगत, परिवार र विद्यार्थी सदस्यता योजनाहरू समावेश छन्।

यस सेवामा प्रयोगकर्ताहरूले विज्ञापन बिना भिडियो स्ट्रिमिङ, पृष्ठभूमिमा भिडियो हेर्न वा संगीत सुन्न सुविधा र पिक्चर इन पिक्चर (पिआईपी) मोड जस्ता सुविधाहरू पाउँछन्।

अमेरिकी टेक्नोलोजी कम्पनी गुगलद्वारा नियन्त्रित युट्युब प्रिमियमका विद्यमान सदस्यहरूले नयाँ दरहरूसहितको शुल्क तिर्नको लागि ग्रेस अवधि पाउनेछन् वा पाउँदैनन भन्ने थाहा छैन। एकल प्रयोगकर्ताका लागि यसको व्यक्तिगत योजनाको दर प्रति महिना भारु १२९ बाट बढाएर प्रति महिना भारु १४९ पुर्याएको छ ।

फ्यामिली प्लान भएका प्रयोगकर्ताहरूले प्रति महिना २९९ रुपैयाँ तिर्नुपर्नेछ। यो योजनामा ​​यो सेवा पाँच जनासम्म प्रयोगकर्ताले लिन सक्नेछन्। यसअघि यसको मूल्य १८९ भारतीय रुपैयाँ थियो।

यसको विद्यार्थी योजना प्रति महिना भारु ७९ बाट बढाएर भारु ८९ पुर्याइएको छ। यसको प्रिपेड योजनाको दर पनि बढाइएको छ। नयाँ प्रयोगकर्ताहरूको लागि एक महिनाको परीक्षण उपलब्ध रहेको छ।