Technology Khabar ३२ श्रावण २०८१, शुक्रबार
काठमाडौं ।
ग्यालेक्सी जेड फोल्ड ६ र फ्लिप ६ लन्चको उत्साह कम हुन थालेसँगै अब आगामी एस२५ सिरिजको बारेमा लीकहरू देखा पर्न थालेका छन्।
यद्यपि आगामी एस२५ सिरिजको विवरणहरू हालको लागि भने दुर्लभ रहेका छन्। यसै क्रममा पछिल्लो नयाँ लीकले टप–टियर ग्यालेक्सी एस२५ अल्ट्राको सम्भावित डिजाइनको झलक प्रदान गरेको जनाइएको छ।
सम्मानित टिपस्टर आइस युनिभर्स (@UniverseIce) ले एक्समा पुनः डिजाइन गरिएको एस२५ अल्ट्रातर्फ संकेत गर्दै एउटा तस्बिर साझा गरेको जनाइएको छ।
साथै उक्त तस्बिरमा एस२४ अल्ट्राको शार्प कर्नर (तीखो कुना) अब थप गोलाकार डिजाइनमा देखा परेको जनाइएको छ। यदि यो विवरण सही भएको खण्ड भने यस परिवर्तनले वर्तमान मोडेलको बारेमा सामान्य गुनासोलाई सम्बोधन गर्दै फोनको इन–ह्यान्ड फिल (अनुभव) लाई सुधार गर्न सक्ने उल्लेख गरिएको छ।
त्यसैगरी लीकले एस२४ अल्ट्रा र एस२५ अल्ट्राको फ्रन्ट (अगाडिको) प्यानलहरूको पनि तुलना गरेको उल्लेख छ। उक्त तस्बिरको आधारमा नयाँ संस्करणमा डिस्प्ले साइज र आस्पेक्ट रेसियो अपरिवर्तित रहने देखिन्छ भनि गीज्मोचाइनाले उल्लेख गरेको छ।
यसअघिका अफवाहहरूले एस२५ अल्ट्राको सम्भावित हार्डवेयर स्पेसिफिकेसनहरूको बारेमा संकेत गरेको जनाइएको छ। फोनमा ठूलो २०० मेगापिक्सेलको प्राथमिक रियर क्यामरासहित ५० मेगापिक्सेलको टेलिफोटो, ५० मेगापिक्सेलको सुपर–टेलिफोटो र ५० मेगापिक्सेलको अल्ट्रावाइड सेन्सर जस्ता अतिरिक्त लेन्सहरु फिचर हुन सक्ने उल्लेख गरिएको छ।
अगाडिको क्यामरा भने १२–मेगापिक्सेल रेजोल्युसनको हुने अपेक्षा गरिएको छ। साथै ब्याट्री क्षमता पनि ५,०००एमएएच को रहन सक्ने जनाइएको छ जसले ४५ वाट फास्ट चार्जिङको समर्थन गर्ने उल्लेख गरिएको छ।
सबैभन्दा महत्त्वपूर्ण अपग्रेड भने प्रोसेसरमा आउन सक्ने जनाइएको छ। एस२५ अल्ट्रालाई क्वालकम स्न्यापड्रागन ८ जेन ४ चिपसेटद्वारा बोर्डमा कस्टम ओरियोन कोरहरूद्वारा सञ्चालित हुने अपेक्षा गरिएको छ।
स्ट्याण्डर्ड एस२५ र एस२५+ (प्लस) ले अर्को पुस्ताको एआरएम सीपीयू कोर र एएमडी आरडीएनए–आधारित एक्सक्लिप्स ९५० जीपीयू फिचर गर्दै सामसङको इन–हाउस एक्सिनोस २५०० चिपसेट प्रयोग गर्ने सम्भावना रहेका जनाइएको छ।
यी लीकहरूले एस२५ अल्ट्राको प्रारम्भिक रूप प्रदान गरे तापनि आधिकारिक सार्वजनिक हुनअघि विवरणहरू परिवर्तन हुन सक्ने उल्लेख गरिएको छ।
प्रकाशित: ३२ श्रावण २०८१, शुक्रबार
