मेगाअपलोडका संस्थापक किमलाई अदालती प्रक्रियाका लागि न्युजिल्याण्डबाट अमेरिका पठाइँदै

काठमाडौं ।

उनले सञ्चालन गरेको फाइल सेयरिङ सेवा मेगाअपलोडलाई लिएर उनीमाथि अमेरिकामा आपराधिक मुद्दा दायर भएको छ। न्युजिल्याण्डका न्यायमन्त्री पल गोल्डस्मिथले हालै उक्त फैसलामा हस्ताक्षर गरेका हुन्।

न्युजिल्याण्डको समाचार संस्था स्टफ डट सीओ डट एनजेडका अनुसार हस्ताक्षरका क्रममा गोल्डस्मिथले आफूले डटकमले अदालती प्रक्रियाका लागि अमेरिकासमक्ष आत्मसमर्पण गर्नुपर्ने भन्नेबारेमा न्याय मन्त्रालयबाट थुप्रै सल्लाह पाएको उल्लेख गरे।

मेगाअपलोडका संस्थापक र पूर्व सीईओका हैसियतले डटकममाथि अमेरिकी अधिकारीहरुले ५० करोड डलर लिएर प्रयोगकर्तालाई चोरी गरिएका चलचित्र सेयर गर्न सहज बनाई फिल्म स्टुडियो तथा रेकर्ड कम्पनीहरुमाथि अन्याय गरेको आरोप लगाएका थिए।

जर्मनीमा जन्मेका इन्टरनेटका बादशाह मानिने डटकम सन् २०१० मा न्युजिल्याण्ड पुगेका थिए भने त्यसैबेलादेखि स्थानीय प्रहरीले एफबीआईको आदेशमा उनलाई सुपुर्दगी गराउन प्रयास गरिरहेकामा उनी हालसम्म बच्न सफल भएका थिए।

सन् २०१२ मा प्रहरीले सम्पत्ती शुद्धिकरण तथा प्रतिलिपि अधिकार उल्लङ्घनको आरोपमा अक्ल्याण्डमा रहेको उनको निवासमा छापा मारेको थियो। सोही वर्ष अमेरिकाको न्याय विभागले मेगाअपलोड साइट बन्द पनि गराएको थियो।