एप्पलले रोल आउट गर्यो नयाँ आईओएस १८ र १८.१ बिटा भर्सन

काठमाडौं ।

एप्पलले फोन, ट्याब्लेट, कम्प्यूटर, वाच (घडी), सेट–टप बक्स र एआर हेडसेटहरू जस्ता आफ्ना विभिन्न ओएस ब्रान्चहरूको लागि नयाँ बीटा भर्सनहरू रोलआउट गरेको छ।

एप्पल इन्टेलिजेन्स आईओएस १८.१ को मुख्य विशेषता भएतापनि त्यहाँ केही समस्याहरू रहेको जनाइएको छ। विशेष गरी, ठूला एप्पल कारप्ले डिस्प्लेहरूसँग नयाँ सिरी यूआई प्रयोग गर्दा रेन्डरिङ समस्याहरू थिए। यद्यपि अब उक्त समस्याहरू समाधान भएको हुनुपर्ने छ।

त्यसैगरी आईओएस १८ पनि थप विकसित गरिएको र एप्पल अहिले बिटा ६ मा रहेको छ। यसले एप्पल म्याप्सका लागि प्लेस आईडी, “एक अद्वितीय र पर्सिस्टेन्ट आईडेन्टिफायर” जस्ता परिवर्तनहरू थपेको उल्लेख छ।

यसका साथै यदि वालेटमा तपाइँको आईडी थप गर्दै हुनुहुन्छ भने ‘तपाइँलाई यसको स्न्याप (फोटो खिच्न) को सोध्न सकिने’ अर्को परिवर्तन थप गरिएको छ र यसले धोखाधडी रोक्नको लागि सहयोग पुर्याउने बताईएको छ।

एप्पल भिजन प्रो सफ्टवेयरका लागि विकासकर्ताहरूले भिजनओएस २ बिटा ६ परीक्षण गर्न सक्ने छन। यसले प्रयोगकर्ताहरूलाई थप लचिलोपन प्रदान गर्नको लागि एपहरू बीचको म्याक्सिमम् प्लेसमेन्ट डिस्ट्यान्स (अधिकतम स्थान दूरी) बढाउने उल्लेख गरिएको छ।

साथै, कम्प्याटिबल एपहरूलाई अब कम्प्याटिबल एप्स फोल्डरभन्दा बाहिर सार्न सकिने र भिजनओएस (“इडिट” मोडमा प्रवेश गर्नका लागि कुनै पनि आइकनमा लङ्ग–पिन्च गर्न) को लागि डिजाइन गरिएका एपहरूसँगै राख्न सकिने छ। यसबाहेक अब सिस्टम यूआईसँग अन्तरक्रिया गर्न गेम कन्ट्रोलर्स प्रयोग गर्न सकिने छ।

म्याकओएस सेक्वेया १५ बिटा ६ ले विभिन्न फिक्सहरू र स्टोरेज टाइट भएका मानिसहरूका लागि केही थप फिचर ल्याएको छ। एप स्टोरलाई अब प्रारम्भिक एप डाउनलोड र इन्स्टल (स्थापना) को लागि चाहिने खाली ठाउँ, अब एपको आकारको दोब्बर जस्तो आवश्यक नपर्ने उल्लेख छ। यसको लागि अब एपको साइजका साथै एउटा सानो बफर फ्री भए पुग्नेछ।

एक स्थिर आईओएस १८ रिलीज हिउँदमा आउने अपेक्षा गरिएको छ भने त्यसपछि आईओएस १८.१ पनि चाँडै आइपुग्ने जीएसएमएरिनाले उल्लेख गरेको छ।