ह्वावे नोभा फ्लिपकाे स्पेसिफिकेशन र फोटोहरू बाहिरियो

काठमाडौं ।

सार्वजनिक हुने तयारीमा रहेको ह्वावे नोभा फ्लिपको सपूर्ण स्पेसिफिकेशनहरू बुधबार अनलाइनमा देखा परेका छन्। डिजिटल च्याट स्टेसन  नामक लीकस्टरले उक्त नयाँ क्ल्यामशेल फोनमा ६.९४ इञ्चको फोल्डेबल स्क्रिन हुने खुलासा गरेको छ ।

प्यानल ह्वावे पकेट २ मा पनि देखिएको जनाइएको यो प्यानल हाल बजारमा उपलब्धमध्ये सबैभन्दा ठूलो प्यानल हुने बताइएको छ।

ह्वावे नयाँ फोनमा किरिन ९००० सिरिज चिप समावेश गरिने उल्लेख छ। उक्त चिप नोभा १२ अल्ट्रा बाट किरिन ९०००एस वा पुरा ७० सिरिजको किरिन ९०१० वा यो पूर्णतयाः नयाँ एसओसी हुन सक्ने जनाइएको छ।

चीनका विभिन्न इन्फ्लुयेन्सर्स (प्रभावकारी व्यक्तित्वहरू) ले यसअघि नै ह्यान्डल गरिसकेको यस नयाँ फोनको पहिलो ह्यान्ड्स–अन फोटोहरू वेबोमा पप अप भएको उल्लेख गरिएको छ।

यो फोनको भित्री प्यानल १२० हर्ज सम्मको रिफ्रेस रेटसहितको एलटीपीओ ओएलईडी हुनेछ भने कभर स्क्रिन ६० हर्जको रिफ्रेस रेटसहितको नियमित ओएलईडी हुने जनाइएको छ।

साथै यसको डायगोनल २.१४” मापन गर्नेछ भने यो स्क्वायर हुनुका साथै क्यामेराको छेउमा राखिएको अघिल्लो आधिकारिक टिजरहरूले देखाएको थियो।

फोनको मुख्य क्यामरामा ५० मेगापिक्सेलको आरवाईवाईबी सेन्सर हुनेछ जुन १/१.५६” ठूलो छ र अगाडि एफ १.९ एपर्चर हुनेछ। अर्को क्यामरा ८ मेगापिक्सेलको अल्ट्रा–वाइड क्यामरा हुनेछ जसले क्लोज–अप शटहरूका लागि सुपर म्याक्रो क्यामको रूपमा पनि काम गर्ने उल्लेख छ।

फ्रन्ट–फेसिङ (अगाडिको) क्यामरा भने ३२ मेगापिक्सेलको हुनेछ र यसलाई पंच होल पछाडि राखिएको थप उल्लेख छ।

फोनमा ४,४०० एमएएच ब्याट्री हुनेछ जसले ६६वाट वायर्ड चार्जिङलाई सपोर्ट गर्ने उल्लेख गरिएको छ। चाखलाग्दो कुरा के छ भने, यो वास्तवमा ह्वावेको अघिल्लो क्ल्यामशेल ‘पकेट २’ को तुलनामा डाउनग्रेड गरिएको जनाइएको छ।

साथै नोभा फ्लिपमा वायरलेस, रिभर्स वायरलेस वा रिभर्स वायर्ड कुनै जस्ता अन्य प्रकारको चार्जिङ प्रदान गर्दछ वा गर्दैन भनेर हेर्नको लागि भने पर्खनु पर्नेछ।

ह्वावेले फोनको पछाडि लेदर (छाला) वा ग्लास प्यानलको साथ ल्याउने जनाइएको छ र जसले मोटाई र तौललाई असर पार्ने थप उल्लेख गरिएको छ।

साथै लेदरसहितको विकल्प ६.८८ मिमी पातलो (१५.०८ मिमी फोल्ड गर्दा) र १९५ ग्राम तौल हुने उल्लेख गरिएको छ। त्यसैगरी ग्लासको साथ ६.९ मिमी पातलो (१५.१२ मिमी फोल्ड गर्दा) र तौल १९९–ग्राम हुने जनाइएको छ।

ह्वावे नोभा फ्लिप अर्को हप्ता हरियो, सेतो, गुलाबी र कालो रंगहरूमा आउने अपेक्षा गरिएको छ। फोनमा १२ जीबी र्याम र २५६ जीबी, ५१२ जीबी वा १ टीबी गरी कम्तीमा पनि तीन ओटा स्टोरेज कम्बिनेसनहरू हुनेछन्।

यद्यपि ती प्रत्येकको लागत कति हुनेछ भनेर हेर्नको लागि पर्खनु पर्नेछ भनि जीएसएमएरिनाले उल्लेख गरेको छ।