रिभियनको आर३एक्स इलेक्ट्रिक एसयूभी छिट्टै सार्वजनिक हुने

काठमाडौं ।

विद्युतीय सवारी निर्माता कम्पनी रिभियनले आफ्नो आधारभूत मोडलभन्दन अगाडि नै आर३एक्स इलेक्ट्रिक एसयूभी सार्वजनिक गर्ने भएको छ । कम्पनीका सीईओ आरजे स्कारिन्जले डिकोडरको हालैको एपिसोडमा यस्तो बताएका हुन् ।

तर उनले पर्फर्मेन्स भेरियन्ट उपलब्ध हुने यकिन समयबताएका छैनन् । उनले यो काम सकेसम्म छिटो हुने मात्र बताए।

“हामी पहिले आर२ लन्च गर्दैछौं, त्यो मोडल स्थिर हुन केही समय लाग्ला । त्यसपछि आर३ सुरु गर्दैछौं,” स्क्यारिन्ज भन्छन्।

उनको भनाईमा कम्पनीले सुरु गर्ने पहिलो आर३ सवारी यही आर३एक्सबाट सुरु हुने छ। पहिलो पटक गएको मार्चमा कम्पनीले आर२ प्रदर्शन कार्यक्रमको क्रममा आउँदै गरेको आर३ लाइनअपको एक झलक प्रस्तुत गरिएको थियो।

रिभियनले आर३ र आर३एक्सका बारेमा धेरै विवरण सार्वजनिक गरेको छैन तर अझ कम्प्याक्ट एसयूभीको मूल्य आर२ को भन्दा कम पर्ने र ४५ हजार डलरबाट शुरु हुने बताएको छ।

यसमा अनरोड र अफरोड दुवैका लागि अझ थप डाइनामिक विशेषताहरु रहनेछन् भने कम्पनीले यसलाई ‘नाटकीय रुपमा अभिवृद्धि गरिएको स्वचालित सामर्थ्ययुक्त’ एसयूभीका रुपमा चिनाएको छ।