काठमाडौं ।
अटोमोबाइल क्षेत्रको छाता संस्था नाडाले देशभर विद्युतीय गाडिहरुको प्रयोग बढिरहेपनि राजमार्ग तथा सहरहरुमा चार्जिङ्ग स्टेशनहरुको निर्माण हुन नसकेको सरकारसँग गुनासो गरेको छ।
अध्यक्ष करण चौधरीको नेतृत्वमा गएको एक प्रतिनिधी मण्डलले प्रधानमन्त्री केपी शर्मा ओलीसंग भेटगरी नेपालमा विद्युतिय सवारी साधनहरुको आयात बढदै गएको भएपनि सोही अनुरुप राजमार्ग तथा सहरहरुमा चार्जिङ्ग स्टेशनहरुको निर्माण हुन नसकेको बताएको छ।
यस बाहेक नाडाले विभिन्न विषयहरुमा छलफल गरेको छ। छलफलमा अध्यक्ष चौधरीले विशेषगरी अटोमोवाइल व्यवसायलाई पुनः गतिशील बनाउन बैँकहरुबाट निजी सवारी साधनको हायर पर्चेज कर्जा प्रवाह गर्ने प्रकियामा हालको ५० प्रतिशतको सिमालाई वृद्धि गरेर ७५ प्रतिशत गरिनु पर्नेमा जोड दिए।
प्रकाशित: ८ श्रावण २०८१, मंगलवार
