नेपाल टेलिकमले आज राती फोरजीको लागि नेटवर्क अपग्रेड गर्दै, यी क्षेत्रहरु प्रभावित हुने

Technology Khabar ६ श्रावण २०८१, आईतवार

नेपाल टेलिकमले आज राती फोरजीको लागि नेटवर्क अपग्रेड गर्दै, यी क्षेत्रहरु प्रभावित हुने
भक्तपुर गठ्ठाघरमा कम्पनीको कार्यालय माथि रहेको नेपाल टेलिकमको टावर। फाइल तस्विर

काठमाडौं ।

नेपाल टेलिकमले आज मध्यरातमा आफ्नो फोरजी सेवामा समस्या आउने जानकारी दिएको छ। कम्पनीले विभिन्न स्थानहरुमा ४जी सेवा अपग्रेड गर्न लागेको हुँदा तोकिएका स्थानहरुमा अवरोध हुनसक्ने जनाएको हो।

कम्पनीले फोरजी सेवाको लागि आवश्यक नेटवर्क प्रणालीको स्तरोन्नति सम्बन्धी कार्य मिति आज राति ११:४५ बजेदेखि गरिने भएकोले उक्त अवधिमा केही समयको लागि काठमाडौँ उपत्यकाका तोकिएका क्षेत्रहरूमा नेपाल टेलिकमको मोबाइल सेवामा समस्या हुन सक्ने जानकारी सूचनामार्फत दिएको छ।

सो क्षेत्रमा सेवा प्रयोगकर्ताले कुनै समस्या अनुभव गरेमा आफ्नो मोबाइल फोन रिबुट(अफ/अन) गर्न भनेको छ।

टेलिकमकाअनुसार प्रभावित हुने क्षेत्रहरुमा साङ्ला, तारकेश्वर, बानियाटार, गोङ्गबु, धापासी, वसुन्धरा, सामाखुसी, काभ्रेस्थली, टोखा, पासिकोट, बुढानीलकण्ठ, शिवपुरी, महांकाल, हात्तिगौडा, कपन, बालुवा, सुन्ताखान, गोल्फुटार, चुनिखेल, तल्लो भंगाल रहेका छन्।

प्रकाशित: ६ श्रावण २०८१, आईतवार

तपाइको प्रतिक्रिया