वानप्लस नोर्ड बड्स ३ प्रो र वाच २आरको घोषणा

काठमाडौं ।

वानप्लसले मंगलबार डिभाइसहरूको सम्पूर्ण इकोसिस्टम घोषणा गर्यो जसमा नोर्ड ४ र वानप्लस प्याड २ ले धेरैजसो ध्यान तानेको छ। ती डिभाइसहरू बाहेक वानप्लस वाच २आर र बड्स ३ प्रो पनि घोषणा गरिएको थियो।

वानप्लस वाच २आर

वानप्लस वाच २आर गत मार्च महिनामा लन्च भएको वाच २ को थोरै मात्रामा परिमार्जित गरिएको संस्करण हो। यसलाई चीनमा वानप्लस वाच २ (ईसिम) को रूपमा पनि चिनिने गरिएको छ। यद्यपि पछिल्लो यो अन्तर्राष्ट्रिय संस्करणमा भने ईसिम समर्थन समावेश गरिएको छैन्।

वाच २आरले अपडेट गरिएको वाच बेजेल, दुई ओटा राउन्ड साइड बटन र अपडेट गरिएको वाच ब्यान्ड ल्याएको छ। साथै वाच २ को तुलनामा यो नयाँ संस्करण २५ प्रतिशत हलुको हुनुका साथै एल्युमिनियम केसिङ्गका साथ आउने भएकाले यसको तौल ३७ ग्राम मात्र हुनेछ।

वाच २आरमा १.४३ इन्चको एएमओएलईडी डिस्प्ले, २जीबी र्याम र ३२जीबी स्टोरेजलाई क्वालकम स्न्यापड्रागन डब्ल्यू५ जेन १ चिपको साथ पेयर्ड गरिएको छ। त्यसैगरी यसमा डुअल बुट एन्ड्रोइड वेयर ओएस ४ र हल्का कार्यहरूका साथै सुधारिएको ब्याट्री इनड्युरेन्सको लागि आरटीओएस पनि रहेको छ।

यसबाहेक वाच २आरमा डुअल–ब्यान्ड जीपीएस, १०० गतिविधिहरूको लागि ट्र्याकिङ, मुटुको दर, रक्त अक्सिजन, निद्रा र तनाव निगरानी पनि रहेको छ। वाच २आर ले १०० घण्टा सक्रिय प्रयोगमा मूल्याङ्कन गरिएको ५०० एमएएच ब्याट्रीको पनि समावेश गर्नेछ।

वानप्लस वाच २आर फरेस्ट ग्रीन र गनमेटल ग्रे रङ्गङ्गरुमा आउने जनाइएको छ भने यसको मूल्य २३० अमेरिकी डलर/२८० यूरो/२५० पाउन्ड/१७,९९९ भारतीय रुपैयाँ कायम गरिएको छ।

अमेरिका, युरोप र बेलायतमा यसको खुल्ला बिक्री मंगलबारदेखि नै सुरु गरिएको छ भने भारतका खरिदकर्ताहरूले जुलाई २० सम्म पर्खनुपर्नेछ।
वानप्लस नोर्ड बड्स ३ प्रो

वानप्लस नोर्ड बड्स ३ प्रो मा १२.४एमएम टाइटनाइज्ड डायनामिक ड्राइभर, एसबीसी र एएसी कोडेक सपोर्ट र म्यानुअल ईक्यूका साथमा ब्लुटुथ ५.४ कनेक्टिभिटी फिचर गरिएको छ। यसमा एक्टिभ नोइज क्यान्सिलेसन (एएनसी) पनि रहेको र ४९ डेसिबल नोइज रिडक्सन (आवज कटौती) को दाबी गरिएको छ।

यसको केस आईपी५५ डस्ट एण्ड वाटर–रेसिस्टेन्ट (धुलो र पानी प्रतिरोधी) भएको र ४४० एमएएच ब्याट्री फिचर गरिएको छ। उक्त ब्याट्रीको कुल सुन्ने समय ४४ घण्टाको रहेको छ।

वानप्लस नोर्ड बड्स ३ प्रो स्टाररी ब्ल्याक र सफ्ट जेड रङ्गहरूमा आउने उल्लेख गरिएको छ। यसको मूल्य ८०अमेरिकी डलर/८०यूरो/८० पाउन्ड स्टर्लिंग/३,२९९ भारतीय रुपैयाँ कायम गरिएको छ।

अमेरिका, युरोप र बेलायतमा वानप्लस नोर्ड बड्स ३ प्रोको पहिले नै खुला बिक्रीमा सुरु गरिएको भएतापनि भारतमा भने जुलाई २० मा आउने जीएसएमएरिनाले रिपोर्ट गरेको छ।