नथिङले तीन घण्टामा बिक्री गर्यो १ लाख भन्दा बढी नथिङ ‘सीएमएफ फोन १’

काठमाडौं ।

नथिङले हालै मात्र रिलिज गरेको आफ्नो बजेट स्मार्टफोन सीएमएफ फोन १ बिक्री सुरु गरिएको तीन घण्टा भित्र नै सोल्ड आउट (पूर्ण रुपमा बिक्रि) भएको घोषणा गरेको छ।

हालको नयाँ नथिङ सीएमएफ फोन १ परम्परागत नथिङ फोनहरू भन्दा कम मूल्य पर्ने मोडेल हो। यद्यपि यो नयाँ नथिङ सीएमएफ फोन १ अद्वितीय थ्रीडी–प्रिन्टेबल ब्याक कभरहरूसहित धेरै एडभान्स सुविधाहरूको साथ आएको छ। नथिङ सीएमएफ फोन १ जुलाई ८ मा लन्च गरिएको थियो भने जुलाई १२ मा बजारमा रिलीज गरिएको थियो।

नथिङ सीएमएफ फोन १ को पछिल्लो माग अप्टिक्सले यसको लोकप्रियता नथिङ २ए भन्दा ८ गुणा बढी लोकप्रिय भएको जनाएको छ।

मार्च महिनमा नथिङ फोन २ए को अतुलनीय सफलता पछि, सीएमएफ फोन १ स्थिर मूल्य खण्डमा ताजा हावाको सास भएको नथिङका सह–संस्थापक अकिस इभान्जेलिडिसले बताएका छन्। सीएमएफ फोन १ ले उत्कृष्ट प्रयोगकर्ता अनुभवको साथ अद्वितीय, रमाइलो र कार्यात्मक स्मार्टफोन ल्याउनका लागि डिजाइनमा नथिङको नवीनता र शक्तिको लाभ उठाएको उनले बताए।

नथिङ सीएमएफ फोन १ मा १२० हर्ज एलटीपीएस सुपर एएमओएलईडी स्क्रिन छ जसमा २,००० निट्स सम्मको ब्राइटनेस (चमक) रहेको छ।

सीएमएफ फोन १ को कस्टमाईजेबल ब्याक कभर बदल्न सकिने र यसमा एक्सेसरिज पनि एट्याच गर्न सकिने उल्लेख छ। साथै थ्रीडी प्रिन्टर भएकाहरुले आफ्नै कस्टम ब्याक कभरहरू सिर्जना गर्न अनुमति दिने थप उल्लेख गरिएको छ।

सीएमएफ फोन १ मा ६जीबी वा ८ जीबीको र्याम क्षमता रहेका छ र यसको स्क्रिन ६.६७ इन्च मापन गर्ने जनाइएको छ। साथै यो एन्ड्रोइड १४ मा चल्ने र यसमा मुख्य क्यामराको रूपमा ५० मेगापिक्सेलको सोनी सेन्सर फिचर गरिएको छ।

८ जीबी र्याम भएको सीएमएफ फोन १ को मूल्य लगभग २५८ अमेरिकी डलर रहेको गीज्मोचाइनाले उल्लेख गरेको छ।