फक्सकनले आईफोन १६ को लागि चीनमा नयाँ कामदार भर्ना बढायो

काठमाडौं ।

एप्पलको मुख्य आपूर्तिकर्ता, फक्सकनले यस शरद ऋतुमा हुने लन्च हुने तयारीमा रहेको बहु–प्रतिक्षित एआई–कम्प्याटिबल आईफोन १६ को लागि आफ्नो भर्ती प्रयासहरू बढाएको छ।

एप्पलले आफ्नो नयाँ एआई सुविधाहरूको कारणले गर्दा आईफोन १६ को माग उच्च हुने अपेक्षा गरेको र यी अनुमानहरू पूरा गर्ने लक्ष्य राखेको जनाइएको छ।

फक्सकनले कामदारहरूलाई आकर्षित गर्न भनेर आकर्षक ज्याला र बोनसहरू प्रदान गर्ने तयारीमा छ। झेङझोउमा, कामदारका लागि घण्टाको २५ चिनियाँ युआन (३.४४ अमेरिकी डलर) रहेको छ, र काममा फर्कने कामदारहरूले ७,५०० चिनियाँ युआनसम्म बोनस कमाउन सक्ने जनाइएको छ। यो रकम एक महिना अघि मात्र प्रस्ताव गरिएको ६,००० चिनियाँ युआन बोनसको तुलनामा थप वृद्धि भएको रिपोर्टमा उल्लेख गरिएको छ।

त्यसैगरी स्थानीय श्रम एजेन्सीहरूले अस्थायी र फिर्ता आउने कर्मचारीहरूको लागि यी उच्च–भुक्तानी कार्यहरू प्रवर्द्धन गर्ने गरिएको छ।

शेन्जेनमा पनि फक्सकनले आफ्नो कार्यबल बढाइरहेको छ। अस्थायी कामदारहरूलाई एक घण्टाको तलबको रुपमा २१–२२ चिनियाँ युआन प्रदान गरिएको जनाइएको छ। त्यसैगरी फर्कने पुराना स्थायी कामदारहरूले पहिलो तीन महिनाको लागि मासिक ६,००० चिनियाँ युआनसम्म कमाउन सक्ने र लामो समयसम्म बसेको खण्डमा तलब वृद्धिको सम्भावना पनि रहेको बताईएको छ।

आईफोन १६ फिचर्स र अपेक्षाहरू

नयाँ आईफोन १६ ले एप्पल इन्टेलिजेन्स प्लेटफर्म मार्फत उन्नत एआई क्यापाबिलिटी (क्षमताहरू) प्रदान गर्ने अपेक्षा गरिएको छ र जसलाई गत जुन महिनामा डब्ल्यूडब्ल्यूडीसीमा घोषणा गरिएको थियो। साथै यो नवीनताले उपभोक्ताहरू बीच डिभाइस अपग्रेडको लहर ल्याउने सम्भावना छ। अघिल्लो पुस्ताको तुलनामा १० प्रतिशत वृद्धि हुने लक्ष्य राख्दै एप्पलले वर्षको दोस्रो आधा भागमा कम्तिमा पनि ९ करोड आईफोन १६ इकाइहरू ढुवानी गर्ने लक्ष्य राखेको गीज्मोचाइनाले उल्लेख गरेको छ।