Technology Khabar ३१ असार २०८१, सोमबार
काठमाडौं ।
सञ्चार तथा सूचना प्रविधि मन्त्री पृथ्वी सुब्बा गुरुङले पदभार ग्रहण गरेका छन्।
आजै सञ्चारमन्त्रीको रुपमा राष्ट्रपति रामचन्द्र पौडेलसमक्ष शपथ लिएका उनले दिउँसो मन्त्रालयमा पुगेर पदभार ग्रहण गरेका हुन्।
नेकपा (एमाले) का नेता पृथ्वी सुब्बा गुरुङ प्रतिनिधि सभा सदस्यतर्फ लमजुङबाट विजयी सांसद हुन्। विज्ञानमा स्नातक गरेका गुरुङ गण्डकी प्रदेशका संस्थापक मुख्यमन्त्री भईसकेका छन्।
यसअघि उनी २०६२/०६३ को दोस्रो जनआन्दोलन सफल भएपछि नेपाली कांग्रेसका तत्कालीन सभापति गिरिजाप्रसाद कोइराला नेतृत्वको सरकारमा संस्कृति, पर्यटन तथा नागरिक उड्ययन मन्त्री पनि बनेका थिए।
प्रकाशित: ३१ असार २०८१, सोमबार
