गुगलले जेमिनीलाई जिमेल साइड प्यानलमा ल्यायो

काठमाडौं ।

गुगलले जेमिनीलाई आफ्ना सबै प्रमुख प्लेटफर्महरू जस्तै डक्स, सिट्स र स्लाइडहरूको साइड प्यानलमा राख्नुृका साथै यसले जिमेलमा एआई–संचालित असिस्टेन्ट पनि रोल आउट गर्ने भएको छ।

यो सर्भिस (सेवा) ले लङ्गर टेक्स्ट (लामो सन्दर्भ) विन्डो र थप उन्नत रिजनिङ (तर्क) को साथ जेमिनी १.५ प्रो मोडल प्रयोग गर्दछ। साथै यसलाई इमेल थ्रेड समराइज (संक्षेप) गर्न, प्रतिक्रियाहरू सुझाव गर्न, इमेल ड्राफ्ट गर्न मद्दत गर्न वा इमेलहरूमा विशिष्ट जानकारीको लागि स्मार्ट सर्च (खोज) गर्नका लागि प्रयोग गर्न सकिने जनाइएको छ।

“मेरो एजेन्सीको पीओ नम्बर के थियो?”, “अर्को बैठक कहिले हुन्छ?” र “जिमेल छाड्नु नपर्ने” गरी रिप्लाई (जवाफ) आउनेछ भन्ने जस्ता प्रश्नहरु हामीले जेमिनीलाई सोध्न सकिने गुगलले दिएका केही उदाहरणहरू हुन्।

मंगलबारदेखि, जेमिनीलाई एन्ड्रोइड र आईओएसमा जिमेल एपमा इमेल थ्रेडहरू विश्लेषण गर्न र मुख्य हाइलाइटहरूका साथ समराइज भ्यू (संक्षिप्त दृश्य) हेर्नका लागि पनि प्रयोग गर्न सकिने जनाइएको छ।

सुधारको मुख्य कारण भनेको सानो स्क्रिनमा मानिसहरूलाई उनीहरूको लामो इमेल थ्रेडहरू पढ्नका लागि मद्दत गर्नु भएको थप उल्लेख छ। साथै कन्टेक्स्चुअल स्मार्ट रिप्लाई र जीमेल क्यूएण्डए भनिने अर्को फिचर पनि अब मोबाइल डिभाइसहरूमा चाँडै आउनेछ।

त्यसैगरी मंगलबारदेखि नै यसको फुल रोलआउट भएको छ। साथै यो गुगल वर्कस्पेसका ग्राहकहरूका लागि जेमिनी बिजनेस एण्ड इन्टरप्राइज एड–अन, जेमिनी एजुकेशन एण्ड एजुकेशन प्रिमियमका एड–अन र गुगल वान एआई प्रिमियममा उपलब्ध भएको जीएसएमएरिनाले उल्लेख गरेको छ।