काठमाडौं ।
सामसङ इलेक्ट्रोनिक्सले मंगलबार ओपन–सोर्स सलुसन्स (खुला स्रोत समाधानहरू) को अग्रणी प्रदायक रेड ह्याटद्वारा प्रमाणित उद्योगको पहिलो कम्प्युट एक्सप्रेस लिंक (सीएक्सएल) पूर्वाधारको सफल निर्माणको घोषणा गरेको छ।
दक्षिण कोरियाको सामसङ मेमोरी रिसर्च सेन्टरमा नयाँ पूर्वाधारले दक्षिण कोरियाली जायन्टलाई हार्डवेयर र सफ्टवेयर कम्पोनेन्टहरूसहित सीएक्सएल–सम्बन्धित प्रडक्ट (उत्पादन) हरू प्रत्यक्षरूपमा भेरिफाई (प्रमाणित) गर्न अनुमति दिनेछ।
सामसङले नयाँ पूर्वाधारमार्फत भेरिफाई (प्रमाणित) गरेका प्रडक्टहरू रेड ह्याटमा दर्ताका लागि तुरुन्तै पेश गर्न सकिनेछ, जसले सामसङ र यसका ग्राहकहरू दुवैका लागि प्रडक्ट डेभलपमेन्ट साइकल्स (उत्पादन विकास चक्र) लाई सुव्यवस्थित पार्नेछ।
सामसङले आफ्नो पहिलो सीएक्सएल प्रडक्ट ‘सीएमएम–डी’ सफलतापूर्वक प्रमाणित गर्न यस पूर्वाधारको लाभ उठाइसकेको छ। साथै अगाडि बढ्दै गर्दा, कम्पनीले पहिलेको विकास चरणहरूमा उत्पादनहरू अनुकूलन गरेर ग्राहकहरूलाई अनुकूल समाधानहरू प्रदान गरेर यस पूर्वाधारको लाभ उठाउनेछ।
सीएक्सएल एक हाई–स्पिड इन्टरकनेक्ट स्ट्याडर्ड हो जुन सीपीयूहरू, जीपीयूहरू र मेमोरी डिभाइसहरूसहित विभिन्न डाटा सेन्टर कम्पोनेन्टहरु बीच सञ्चार सुधार गर्न डिजाइन गरिएको हो गीज्मोचाइनाले उल्लेख गरिएको छ।
यसले पारम्परिक मापदण्डहरूको तुलनामा लोअर ल्याटेन्सी (कम विलम्बता) र हाइयर ब्यान्डविथ प्रदान गर्न पीसीआईई इन्टरफेसको प्रयोग गर्ने जनाइएको छ। यसले उल्लेखनिय रुपमा लागतको वृद्धि बिना नै अवस्थित डाटा सेन्टरहरूको लागि सुधारिएको स्पिड (गति), ल्याटेन्सी (विलम्बता) र स्केलेबिलिटीमा अनुवाद गर्ने उल्लेख गरिएको छ।
आर्टिफिसियल इन्टेलिजेन्स (एआई) मा भर्खरैको बूमले सर्भर संरचनामा आधारभूत परिवर्तनहरूको आवश्यकतालाई प्रेरित गरेको छ। डाटा प्रोसेसिङमा ठूलो वृद्धिका कारण डाटा सेन्टरहरूले नयाँ परिचालन चुनौतीहरूको सामना गरिरहेका छन्।
सीएक्सएल टेक्नोलोजीले सर्भरहरू भित्र डाटा प्रवाह व्यवस्थापन गर्न थप प्रभावकारी तरिका प्रदान गरेर यस चुनौतीलाई सम्बोधन गर्दछ।
डिसेम्बर २०२३ मा, सामसङले वास्तविक–विश्व प्रयोगकर्ता वातावरणमा सीएक्सएल मेमोरी सञ्चालन प्रमाणित गर्न रेड ह्याटसँग सहकार्य गरेको हो। यो साझेदारीले सामसङलाई सीएक्सएल मोड्युल, ओपन–सोर्स सफ्टवेयर र सीएक्सएल २.० मानकलाई समर्थन गर्ने सीएक्सएल डीआरएएम प्रदान गर्ने पहिलो कम्पनी बन्नका लागि सहयोग गरेको छ।
त्यसपछि सामसङले आफ्नो डाटा सेन्टर सोलिड–स्टेट ड्राइभ्स (एसएसडी) समावेश गर्नका लागि रेड ह्याट–सर्टिफाइड प्रडक्टहरू विस्तार गरेको छ। यसले ग्राहकहरूलाई विश्वसनीय लिनक्स समर्थनको साथ रेड ह्याट–सर्टिफाइड हार्डवेयरको लाभ उठाउने प्रणालीहरू निर्माण गर्न अनुमति दिने जनाइएको छ।
प्रकाशित: १३ असार २०८१, बिहीबार
