इलन मस्कको डीपफेक बनाएर युट्युब लाइभमार्फत स्क्यामरहरुले चलाए क्रिप्टो स्क्याम

काठमाडौं ।

एआई जेनेरेटेड (उत्पन्न) मस्कको आवाजले सोमबार गरिएको एक लाइभस्ट्रिममा दर्शकहरूलाई आफ्नो क्रिप्टो स्याडी वेबसाइटमा जम्मा गर्न भन्यो।

बोगस (भ्रामक) स्ट्रिमहरूको पछिल्लो सिरिज (भाग) मा सोमबार पाँच घण्टासम्म चलेको यूट्यूब लाइभ प्रसारणले क्रिप्टोकरेन्सी स्क्यामलाई अगाडि बढाउन इलन मस्कको डीपफेक प्रयोग गरेको इनग्याजेटले रिपोर्ट गरेको छ।

पछि हटाइएको उक्त भिडियोमा, टेस्ला कार्यक्रमको लाइभस्ट्रिम जस्तो देखिने मस्कको क्लिप देखाइएको र उनको आवाजको एआई जेनेरेटेड भर्सन (उत्पन्न संस्करण) ले दर्शकहरूलाई गिभअवे (उपहार) मा भाग लिनको लागि वेबसाइटमा गएर उनीहरूको बिटक्वाइन, इथरियम वा डजीक्वाइन जम्मा गर्न निर्देशन दिएको थियो।

साथै लुपमा प्ले भएको मेसेजमा, प्रणालीले “तपाईले जम्मा गर्नुभएको क्रिप्टोकरेन्सीको दोब्बर रकम स्वचालित रूपमा फिर्ता पठाउने” वाचा गरेको थियो।

एक बिन्दुमा ३०,००० भन्दा बढी दर्शकहरूले स्ट्रिममा ट्युन गरेको, र यसलाई यूट्यूबको लाइभ नाउ रिकमेन्डेसन (सिफारिसहरू) को शीर्षमा धकेले थियो। टेस्ला, इलनडटटेस्लास्ट्रिम (Tesla, @elon.teslastream) नामक खातामा अफिसियल आर्टिस्ट च्यानल भेरिफिकेसन ब्याज भएको हुनाले खाता ह्याक गरेको हुनसक्ने अनुमान गरिएको छ।

इनग्याजेटले गुगललाई यस बारे जानकारी गराए पश्चात भिडियो र च्यानल दुवै हटाइएको थप उल्लेख छ।

इलन मस्कका यी डीपफेक स्क्यामहरू पछिल्ला केही महिनाहरूमा बढेको देखिन्छ, भने प्रत्येक उदाहरणमा मस्कको कम्पनीहरू मध्ये एकको रूपमा प्रस्तुत खाता प्रयोग गरिएको रिपोर्टमा भनिएको छ। साथै यस पटकको शीर्षक “टेस्ला अनभिल्स ए मास्टरपीसः द टेस्ला ड्याट विल चेन्ज द कार इन्डस्ट्रि फरएभेर” रहेको थियो।

जून महिनाको सुरुमा, क्वाइनटेलिग्राफले स्टारशिप प्रक्षेपणको समयमा स्पेसएक्सको नाम गरेर ३५ खाताहरूद्वारा सञ्चालित यस्तै स्क्यामहरूको बारेमा रिपोर्ट गरेको थियो।

त्यसका साथै अप्रिल महिनामा पनि स्क्यामरहरूले उही रणनीति प्रयोग गरेर ग्रहण एक्लिप्स हाइपमा प्रवेश गर्ने प्रयास गरेको बताउने लाइभको बारेमा म्यासेबलले त्यस समयमा रिपोर्ट गरेको थियो।

यसबाहेक, रेडिटमा पोस्ट गरिएको फेक मस्क लाइभस्ट्रिमहरूको धेरै रिपोर्टहरू रहेका छन्।

सामाजिक सञ्जालमा मस्कका फलोअर्सहरूलाई लक्षित गर्ने क्रिप्टो स्क्यामहरू वर्षौंदेखिको समस्या भएको र जसमा सामान्य रूपमा सेलिब्रेटीहरूलाई समावेश गरिने गरिन्छ। गत शुक्रबार मात्रै, फिफ्टी सेन्ट ह्याकले हिट गरेको र जसले उसको खाताहरू पम्प–एण्ड–डम्प योजना सञ्चालन गर्न प्रयोग गरेको थियो।