ताइवानी प्रविधिको विश्व बजारमा बढ्दो प्रभाव, इन्नोभेसन र विश्वसनीयतामा टीएसएमसीदेखि गोगोरोसम्म

काठमाडौं ।

विश्वव्यापी टेक्नोलोजीको क्षेत्रमा, ताइवानले लगातार गुणस्तर र विश्वसनीयताको प्रतीक बन्ने उत्पादनहरू बनाउँदै आफैंलाई एक शक्तिशाली शक्तिको रूपमा चुपचाप स्थापित गरेको छ। केहि हल्ला र भ्रमहरूका बावजुद पनि ताइवानी प्रविधिले बारम्बार आफ्नो स्थायित्व र नवीनता प्रमाणित गर्दै आएको छ।

ताइवानको प्राविधिक वृद्धि उत्पादनमा उत्कृष्टता र नवप्रवर्तनमा केन्द्रित भएर २० औं शताब्दीको उत्तरार्धमा मात्र सुरु भएको हो। एसर, असुस र टीएसएमसी (ताइवान सेमीकन्डक्टर म्यानुफ्याक्चरिङ कम्पनी) जस्ता प्रख्यात कम्पनीहरूले टेक लीडरको रूपमा ताइवानको आजको हैसियत बनाउन महत्वपूर्ण भूमिका खेलेका छन्। एसर र असुस तिनीहरूको हाइ-पर्फर्मेन्स ल्यापटप र कम्प्युटर कम्पोनेन्टहरूका लागि विश्वमै परिचित छन्। दुवै कम्पनीहरूले स्थायित्व र ग्राहक सन्तुष्टिमा लगातार सफलता हासिल गर्दै आएका छन्।

टीएसएमसीले स्मार्टफोन, कम्प्युटर, कार र नासाको मार्स रोभरहरूका लागि आवश्यक पर्ने संसारको सबैभन्दा उन्नत सेमीकण्डक्टर चिपहरूको ९२ प्रतिशत परिमाण एक्लै उत्पादन गर्दछ। यी चिपहरूमा हुने ट्रान्जिस्टरहरूको आकारले तिनीहरूको दक्षता र शक्तिलाई निर्देशित गर्दछ जसले टीएसएमसी को प्रविधिलाई उच्च कोटीको बनाउँछ। आज एप्पल, इन्टेल, क्वालकम, टेस्ला, एनभीडीया र एएमडीलगायत संसारका ठूला टेक कम्पनीहरू टीएसएमसीमा निर्भर छन्।

एनभीडीयाका सीईओ जेन्सेन हुआंग, जो आफैं पनि ताइवानी मूलका हुन्, उनी एआई र कम्प्युटिङका क्षेत्रमा सफलताहरू हासिल गर्न टीएसएमसीको भूमिकाको प्रशंसा गर्दछन्। सेमीकण्डक्टर निर्माण प्रक्रिया असाधारण रूपमा जटिल र सटीक हुन्छ जसमा साना सिलिकन वेफर्सहरूमा अरबौं ट्रान्जिस्टरहरूको सिर्जना गरिन्छ। यस प्रक्रियामा आफ्ना प्रतिस्पर्धीहरूमाथि प्राविधिक रूपमा निकै अगाडि रहेर टीएसएमसीले महारत हासिल गरेको छ।

अर्को विशाल कम्पनी फक्सकन संसारकै सबैभन्दा ठूलो कन्ट्रयाक्ट इलेक्ट्रोनिक्स निर्माता र एप्पलजस्ता कम्पनीहरूको लागि एक प्रमुख आपूर्तिकर्ता पनि हो। कडा गुणस्तर नियन्त्रण र निर्माण विशेषज्ञताले गर्दा फक्सकनले विश्वसनीय प्रविधिको क्षेत्रमा प्रतिष्ठा हासिल गरेको छ।

त्यसैगरी, मिडियाटेक नामक अर्को एक अग्रणी सेमीकण्डक्टर कम्पनीले स्मार्टफोन, ट्याब्लेट र अन्य उपभोक्ता इलेक्ट्रोनिक्सका लागि बलियो, हाई-पर्फर्मेन्स गर्ने चिपसेटहरू उपलब्ध गराउँदै आएको छ। यसले ताइवानको प्राविधिक नवप्रवर्तनको शक्तिलाई थप मजबुत बनाउँदै आएको छ।

ताइवान र चीन दुवैले प्राविधिक संसारमा उल्लेखनीय योगदान गरेका छन् तर उत्पादनको विश्वसनीयता र गुणस्तर नियन्त्रणको सन्दर्भमा यी दुवै देश उल्लेखनीय रूपमा भिन्न रहेका छन्। उपभोक्ता रिपोर्टहरूको २०२१ रिपोर्ट अनुसार ताइवानी इलेक्ट्रोनिक्स ब्रान्डहरू, जस्तै; असुस र एसरले धेरै प्रमुख चिनियाँ ब्रान्डहरूको तुलनामा विश्वसनीयतामा उच्च अंक प्राप्त गरेका थिए। उदाहरणका लागि, लेनोभोजस्ता चिनियाँ समकक्षीहरूको तुलनामा असुस ल्यापटपहरूको प्रयोगको पहिलो तीन वर्षभित्रको विफलता दर निकै कम थियो। साथै, टीएसएमसीका सेमीकण्डक्टरहरू तिनीहरूको हाइ इल्ड दर र दीर्घायुको लागि चिनिन्छन्। यिनीहरूले दीर्घकालीन कार्यसम्पादन परीक्षणहरूमा धेरै चिनियाँ-निर्मित चिपहरूलाई पछाडि पारेका छन्।

ताइवानी प्रविधिको प्रसंगमा हालैका सबैभन्दा रोमाञ्चक घटनाक्रमहरू मध्ये एक ताइवानी कम्पनी गोगोरोको उपस्थिती रहेको छ। यस कम्पनीले आफ्ना इलेक्ट्रिक स्कूटरहरू र ब्याट्री-स्वापिङ प्रविधिको सहायताले शहरी यातायातमा क्रान्तिकारी परिवर्तनको सुरुवात गरेको छ। गोगोरोको बलियो डिजाइन र छिटो ब्याट्री स्वाप गर्ने सुविधाले यसलाई ताइवानी इनोभेसन र विश्वसनीयताको प्रतीकको रूपमा उभ्याएको छ।

नेपालमा प्रवेश गरिसकेको गोगोरोले आफूसँगै शहरी यातायातमा व्याप्त चुनौतीहरूको लागि दिगो समाधान र ताइवानको विश्वसनीयताको प्रतिज्ञा पनि ल्याएको छ। के ताइवानको प्राविधिक क्षमताको आगमनले शंका गर्नेहरूलाई विश्वास दिलाउन सक्ला? के यसले विश्वव्यापी बजारहरूमा नवीनता र विश्वसनीयताको नयाँ युगको सुरुवात गर्न सक्ला ?