शाओमी १५ प्रो स्मार्टफोन ‘१ इन्च टाइप’ मुख्य क्यामराको साथ आउने दाबी

काठमाडौं ।

शाओमी १४ प्रो चीनमा सन् २०२३ को अक्टोबर महिनामा लन्च गरिएको थियो। शाओमी १४ प्रो आफ्नो घरेलु बजारमा मात्रै सिमित रहेकोमा अब यसको जुम्ल्याहा विश्वव्यापी रुपमा उपलब्ध गराइएको थियो। यसै क्रममा अहिले यसको उत्तराधिकारीले ५० मेगापिक्सेलको ट्रिपल क्यामरा सेटअपको लागि सुधार ल्याइरहेको जानकारीमा आएको छ।

शाओमी १५ प्रोमा ५० मेगापिक्सेलको सेन्सरहरू रहने भएतापनि तिनीहरूको (मुख्य) र टेलिफोटो शूटरहरू फरक हुने एक स्रोतलाई उदृत गर्दै जीएसएमएरिनाले रिपोर्ट गरेको छ।

५० मेगापिक्सेलको मुख्य क्यामरा १” टाइप ओम्नीभिजन सेन्सरमा सर्ने जनाइएको छ। साथै उक्त ओभी५०के हाल १४ प्रो भित्रको ओभीएक्स ९००० भन्दा उल्लेखनीय सुधार हुने उल्लेख छ।

ओभी५०के भेरियसनलाई अमेरिकी–ताईवानी इमेजिङ कम्पनीले अझैसम्म पनि आधिकारिक रूपमा लन्च भने गरेको छैन्। यद्यपि, अनर म्याजिक ६ प्रो, भिभो क्यूओओ १२ सिरिज र मोटोरोला एज ५० अल्ट्रामा ओभी५०एच पहिले नै प्रभावशाली भएको देखिएको हुनाले यसको उत्तराधिकारीको रुपमा आउने ओभी५०के पनि ससक्त हुने अपेक्षा गरिएकोछ।

त्यसैगरी, टेलिफोटो शूटर सोनी आईएमएक्स ८८२ द्वारा पावर्ड (संचालित) हुनेछ, जुन डेटेड सामसङ आईएसओसीईएलएल जेएन १ बाट एक कदम अगाडि रहेको छ। १/१.९५ इन्च सोनी इमेजर १/२.७६ इन्च सामसङ सेन्सर भन्दा धेरै ठूलो रहेको जीएसएमएरिनाले उल्लेख गरेको छ।