Technology Khabar २८ जेष्ठ २०८१, सोमबार
काठमाडौं ।
एप्पलको वर्ल्डवाईड डेभलपर्स कन्फरेन्स (डब्ल्यूडब्ल्यूडीसी २०२४) आज जून १० तारिखमा क्यालिफोर्निया स्थित एप्पल पार्कमा हुँदैछ। यस कार्यक्रममा एआई नै घोषणाहरूको प्रमुख विषयवस्तु हुन गइरहेको छ भने आईओएस १८, आईप्याडओएस १८, म्याकओएस १५, वाचओएस ११, टिभिओएस १८ र भिजनओएस २ मा नयाँ घोषणा हुनेछन्।
एप्पलले अब एआई एक्रोनमलाई “आर्टिफिसियल इन्टेलिजेन्स” (कृत्रिम बुद्धिमत्ता) को सट्टा “एप्पल इन्टेलिजेन्स” को रूपमा पुनः परिभाषित गर्ने अनुमानहरू रहेका छन्। जानकारी भएसम्म, एआई टुल्स आईफोन, आईप्याड र म्याकमा आउँदैछन् भने, यी ओपनएआई र यसको च्याटजीपीटी मोडलहरूद्वारा संचालित हुने सम्भावना रहेको छ।
उद्योग भित्रका स्रोतहरूका अनुसार, एप्पलको एआईको प्रारम्भिक लहरले अन–डिभाइस प्रोसेसिङलाई प्राथमिकता दिने र गोपनीयता मुद्दाहरूलाई कम गर्न आवश्यक हुँदा क्लाउडमा मात्र भरपर्ने छ। धेरै जस्तो फिचर्स (सुविधाहरू) लाई प्रारम्भमा अप्ट–इन बिटा प्रोग्रामहरूको रूपमा रिलिज गरिनेछ भने यसको लागि आईफोन १५ प्रो वा त्यस भन्दा नयाँ वा एम१ चिप वा यो भन्दा नयाँ चिपको साथ आईप्याड/म्याक आवश्यक पर्ने छ।
इमेज र भिडियो जेनेरेसन (उत्पादन) को सट्टा दैनिक कार्यहरू सरल र स्वचालित गर्नका कन्भिनियन्स फिचर्स (सहज सुविधाहरू) मा फोकस हुने रिपोर्टले उल्लेख गरेको छ। तसर्थ एआई अब एप्पलका आफ्नै अन्य धेरै एपहरूमा थपिने छ।
त्यसैगरी फिचर्स (सुविधाहरू) का केही हाइलाइटहरूमा वेब पजेस, नोट्स, मेसेजेस र नोटिफिकेसन्स, इमेलहरू र टेक्स्टहरूको लागि रिप्लाई सजेजेस (सुझावहरू), स्वचालित ट्रान्सक्रिप्शन, र भ्वाइस मेमोहरूका लागि समरिज (सारांशहरू) को सम्भावित उत्पादनहरू समावेश रहेका छन्।
सिरी अझ धेरै स्मार्ट हुने अपेक्षा गरिएको छ र एप फिचर्स (सुविधाहरू) र एक्सन्स (कार्यहरू) मा सटिक नियन्त्रण हुने जनाइएको छ। सुरुमा फर्स्ट–पार्टी (पहिलो–पक्ष) एपहरूमा प्राथमिकता हुनेछ भने अर्को वर्ष थर्ड–पार्टी (तेस्रो–पक्ष) एप एकीकरणको अपेक्षा गरिएको उल्लेख छ। साथै फोटोज एपमा पनि वस्तु र व्यक्तिहरू हटाउने लगायतका सम्पादन सुविधाहरूमा परिष्कृत हुने अपेक्षा गरिएको छ।
फ्लाई (उड्ने) टेक्स्टमा आधारित एआई–क्रिएटेड इमोजीहरू पनि सायद अर्को एक नयाँ विषय हुनेछ। साथै एक्सकोडले केहि एआई–पावर्ड (संचालित) कोड अटोकम्प्लिसन फिचर्स (स्वतः पूर्णता सुविधाहरू) प्राप्त गर्ने सम्भावना रहेको थप उल्लेख छ।
एआई बाहिरका केहि अन्य अपेक्षित सफ्टवेयर अपग्रेडहरू आउन सक्नेछन्ः
डब्ल्यूडब्ल्यूडीसी २४ मा कुनै पनि नयाँ हार्डवेयर घोषणाहरूको अपेक्षा गरिएको छैन्, तर, त्यहाँ केही टिजरहरू हुन सक्ने उल्लेख गरिएको छ।
कहाँ हेर्ने लाइभ ?
डब्ल्यूडब्लूडीसी २४ क्यालिफोर्नियाको एप्पल पार्कमा सिमित तथा आमन्त्रित विकासकर्ताहरूका साथमा भाषणको साथ सुरु हुनेछ। लाइभ स्ट्रिमिङ कम्पनीको युट्युब च्यानल, एप्पल वेबसाइट, एप्पल डेभलपर एप र एप्पल टिभी एप मार्फत विश्वव्यापी रूपमा हुनेछ। की नोट स्पीच आज स्थानिय समय अनुसार बिहान १० बजेदेखि तथा नेपाली समयअनुसार राती १०ः ४५ मा सुरु हुने तालिका छ।
एप्पलले आफ्नो प्लेटफर्म स्टेट अफ द युनियन एप्पल डेभलपर एप र एप्पल डेभलपर वेबसाइटमार्फत स्थानीय समयअनुसार १ बजे स्ट्रिम गर्नेछ, जहाँबाट प्रशंसक र विकासकर्ताहरूलाई अपरेटिङ सिस्टम अपडेटमा आउने नयाँ सुविधाहरूको बारेमा जानकारी दिनेछ।
प्रकाशित: २८ जेष्ठ २०८१, सोमबार
