जीएसीले हाओबो हाइपर जीटी इलेक्ट्रिक कार लन्च गर्ने, हाई–भोल्टेज सुपरचार्जिङ र ७१० किमी दायरा

काठमाडौं ।

जीएसी आगामी जुन महिनाको ६ तारिखमा हुने आफ्नो हाओबो हाइपर जीटी इलेक्ट्रिक कारको विश्वव्यापी लन्चको लागि तयारी गर्दैछ।

यस शक्तिशाली सेडानमा अन्तर्राष्ट्रिय बजारलाई प्रभाव पार्ने गरी डिजाइन गरिएका फिचर्स (सुविधाहरू) समावेश गरिएको छ। साथै हाओबो हाइपर जीटीले लामो यात्रा र फास्ट चार्जिङलाई प्राथमिकता दिएको छ।

त्यसैगरी यस नयाँ इलेक्ट्रिक कारमा रहेको ८०० भी हाई–भोल्टेज सुपरचार्जिङ टेक्नोलोजीले गर्दा सिङ्गल चार्जमा ७१० किलोमिटरसम्म यात्रा गर्न सकिने जनाइएको छ। यसबाहेक, केवल १५ मिनेटको चार्जले थप ४५० किलोमिटर ड्राइभ गर्न पर्याप्त शक्ति थप्न गर्न सक्ने जीएसीले दावी गरेको छ।

१५ मिनेटको चार्जिङमा ४५० किलोमिटरको दायरा थप्न सक्ने दाबी

कारको “म्यापलेस ग्लोबल कम्युनिकेशन” इन्टेलिजेन्ट ड्राइभिङ सिस्टम अर्को एक मुख्य विशेषता हो। यसले स्थानीय नक्सा प्रणालीको पर्वाह नगरी संसारको कुनै पनि ठाउँमा नेभिगेट गर्ने क्षमता प्रदान गर्दछ। इटाली, थाइल्याण्ड र चीन जस्ता विभिन्न देशहरूमा गरिएका यसअघिका परीक्षणले यो दाबीलाई समर्थन गरेको देखिन्छ।

त्यसैगरी रियर–ह्विल ड्राइभ सिङ्गल मोटरले ३४० हर्शपावर र ४३४ एनएम टर्क प्रदान गर्दै कारलाई ४.९ सेकेन्डमा शुन्यदेखि १०० किलोमिट प्रति घन्टाको गतिमा लन्च गर्नका लागि मद्दत गर्ने उल्लेख गरिएको छ।

जीएसीको एईपी ३.० प्लेटफर्ममा निर्मित यस हाओबो हाइपर जीटीको मापन ४८८० एमएम लम्बाई, १८८५ एमएम चौडाई र १४५५एमएम अग्लो हुनुका साथ २९२० एमएम ह्वीलबेस रहेको छ। अघिल्लो मोडल, “जीटी ७१० रियर–व्हील ड्राइभ हाइ–इन्ड इन्टेलिजेन्ट ड्राइभिङ ३एल संस्करण,” यस वर्षको सुरुवातमा २५९,९०० युआन (लगभग ३८,८०० अमेरिकी डलर) मा लन्च गरिएको थियो।

साथै यो मोडलले थ्री–लेजर रडार सिस्टम, १२ ओटा क्यामराहरु, ६ मिलिमिटर–वेभ रडारहरू र असाधारण वातावरणीय परसेपसनको लागि एक इन्फ्रारेड नाइट भिजन क्यामरा सहित सेन्सरहरूको एक विस्तृत सूट समावेश गरेको छ।

यसको विस्तारित दायरा, उन्नत नेभिगेसन क्षमताहरू र शक्तिशाली पर्फमेन्सका साथ हाओबो हाइपर जीटी ग्लोबल मोडल अन्तर्राष्ट्रिय इलेक्ट्रिक भेहिकल मार्केट (विद्युतीय सवारीको बजार) मा बलियो दावेदार हुनसक्ने छ।

यहि जून ६ मा हुने कम्पनीले आधिकारिक लन्च गर्ने गीज्मोचाइनाले उल्लेख गरेको छ।