ईसिम र नयाँ डिजाइनको साथ भिभो वाच जीटी सार्वजनिक

काठमाडौं ।

भिभो एस १९ सिरिज पछि कम्पनीले नयाँ वेयरेबलको घोषणा गरेको छ। ब्रान्डले आयताकार स्क्रिन भएको आफ्नो पहिलो स्मार्टवाच भिभो वाच जीटी ल्याएको छ।

ईसिम समर्थनको साथमा आएको भिभो वाच जीटीको यो फिचर (सुविधा) सम्भवतः चीनमा मात्र उपलब्ध हुने उल्लेख गरिएको छ।

वाच जीटीमा १.८५ इन्चको एएमओएलईडी स्क्रिन छ जसको चारै तिर २.५डी कर्भ ग्लास रहेको छ। यसको बडि आफैंमा एल्युमिनियम अलोए कसिङ भएको र हार्ट रेट (मुटुको गति) का साथै एसपीओ २ ट्र्याकिङको लागि सेन्सरहरू समावेश गरिएका छन्।

वाच जीटीमा ५०५ एमएएच ब्याट्री फिचर गरिएको भए तापनि वायरलेस चार्जिङको अभाव रहेको जनाइएको छ। साथै सेललाई डुअल पोगो पिन र एक समर्पित चार्जरका साथ चार्ज गर्न सकिने उल्लेख गरिएको छ। यसको ब्याट्री सामान्य प्रयोग गर्दा ३ दिन टिक्ने उल्लेख गरिएको छ भने ईसिमका साथ पावर सेभिङङ मोडमा ९ दिन ब्याट्री टिक्ने दाबी गरिएको छ।

ईसिमलाई असक्षम पार्दा यसले क्रमशः २१ दिन र १० दिनसम्म सहनशीलतालाई २.५ गुणा बढाउने छ।

यसको प्रयोगकर्ता इन्टरफेसलाई ब्लूओएस भनिने र एआईद्वारा शक्ति प्रदान गरिएको छ। साथै यसका केहि फिचरहरूमा स्मार्ट नोट टेकिङ समावेश ङहेको र जहाँ यसलाई डिक्टेट गरेर त्यसपछि यसले सामग्रीलाई फोनको नोट एपमा सिंक गर्ने जनाइएको छ।

यसबाहेक, यसले कम्युटहरू, नोटिफिकेसनहरू र रिमाइन्डरहरूमा पछिल्ला अद्यावधिकहरू पनि पढ्न सक्ने र तिनीहरूलाई वाच फेसमा प्रदर्शन गर्नेछ। यद्यपि, भिभोले वाच जीटीलाई पावर गर्ने चिपसेटको बारेमा भने खुलासा नगरेको उल्लेख गरिएको छ।

त्यसैगरी भिभो वाच जीटीले एनएफसी र क्यूआर कोड भुक्तानहरूलाई पनि समर्थन गर्ने जनाइएको छ। यसको लागि समर्पित भिभो एप मार्फत गरिएको सेटअपको आवश्यक पर्ने थप उल्लेख गरिएको छ।

स्ट्र्याप बिना वेयरेबलको तौल मात्र ३३ ग्रामको रहेको छ भने यो कालो र सेतो रंगहरूमा उपलब्ध हुने उल्लेख गरिएको छ। साथै यसले सबै मानक २० मिमी स्ट्र्यापहरूलाई समर्थन गर्ने जनाइएको छ।

त्यसैगरी कालो रंगको स्मार्टवाच रबर ब्यान्डको साथ बाक्सपकमा आउने र सेतो रंगहरूको स्मार्टवाच भने छालाको ब्यान्डको साथ आउने थप उल्लेख गरिएको छ।

भिभो वाच जीटीको बिक्री जुन १४ देखि सुरु हुनेछ। कालो संस्करणको लागि ७९९ युआन (११० अमेरिकी डलर/१०० यूरो) मूल्य कायम गरिएको छ भने सेतो मोडलको लागि ८९९ युआन (१२५अमेरिकी डलर/११५ यूरो) मूल्य रहेको जीएसएमएरिनाले उल्लेख गरेको छ।