सेल्फ–रिपेयर्सका लागि आईफिक्सिटसँग सामसङको साझेदारी अन्त्य

काठमाडौं ।

सामसङ र आईफिक्सिटले सेल्फ–रिपेयर अर्थात प्रयोगकर्ताले आफैंले मर्मत गर्नसक्ने कार्यको लागि साझेदारी समाप्त गरेको दुबै कम्पनीहरूले खुलासा गरेका छन्। आईफिक्सिटका अनुसार, सामसङको डिजाइन र हाई पार्ट्सको मूल्यलाई उद्धृत गर्दै यो अब उप्रान्त तोकिएको तेस्रो–पक्षीय पार्ट्स र टुल्स वितरक नहुने उल्लेख गरेको छ। यो घोषणा उक्त कार्यक्रम सुरुवात भएको दुई वर्षपछि आएको छ।

स्मार्टफोन निर्माताले भने कम्पनी अब इनकम्पासद्वारा पावर (संचालित) सामसङपार्ट्सडटकम भनिने फरक वेबसाइटमा जान लागेको बताएको छ।

आईफिक्सिटका सीईओ र सह–संस्थापक काइल वेन्सले यसको प्रमुख कारण पार्टपुर्जाको मूल्य भएको बताएको उल्लेख छ। त्यसैगरी कम्पनीले ग्यालेक्सी एस २३, जेड फ्लिप ५, जेड फोल्ड ५ जस्ता नयाँ सामसङ डिभाइसहरूका लागि आधिकारिक पार्टपुर्जाहरू सुरक्षित गर्न नसकेको र तिनीहरू सामसङपार्ट्सडटकममा उपलब्ध भएको थप उल्लेख छ।

आईफिक्सिइटको आधिकारिक प्रेस विज्ञप्तिले मर्मतलाई थप पहुँचयोग्य बनाउने सामसङको प्रतिबद्धताको बारेमा शंका उत्पन्न गरेको उल्लेख छ। कम्पनीले स्थानीय मर्मत पसलहरूमा मूल्य र मात्रामा पार्टपुर्जाहरू किन्न नसकेको भन्दै “जसले व्यवसायिक अर्थ बनाउँछ” भन्ने उल्लेख गरिएको छ।

लामो कथनमा सामसङ कसरी पीआर उद्देश्यका लागि साझेदारीमा सामेल भयो भन्ने बारेमा गुनासो गरिएको र कोरियाली निर्माताले मर्मतका लागि सजिलो पहुँचको साथ आफ्ना उपकरणहरू निर्माण गर्न वास्तवमा कहिल्यै नचाहेएको दावी गरेको उल्लेख छ।

यद्यपि स्वतन्त्र संस्थाले एप्पल डिभाइसहरूका लागि जस्तै सामसङ फोनहरूको लागि पनि सेल्फ–रिपेयर किटहरू प्रदान गरिरहने जीएसएमएरिनाले उल्लेख गरेको छ।