शाओमीको इभी गुड्दागुड्दै ३९ किलोमिटरमै रोकियो, कम्पनीले क्षतिपूर्ति दिने

काठमाडौं ।

शाओमीले भर्खरै आफ्नो पहिलो इलेक्ट्रिक सेडान एसयू ७ इभी मार्फत विश्वव्यापी इभी बजारमा सनसनी मच्चाएको छ। विद्युतीय कारले चीनमा ठूलो सकारात्मक प्रतिक्रिया पायो र केही हप्ताभित्रै हजारौंले यसलाई बुक गरे।

गाडीको डेलिभरी सुरु भएसँगै यसमा समस्या आउने खबर पनि आउन थालेको छ। वेन नामका एक एसयू ७ इभी प्रयोगकर्ताले एक भिडियो साझा गरेका छन्, र उनको इलेक्ट्रिक सेडान केवल ३९ किलोमिटर ड्राइभ गरेपछि बिग्रिएको दाबी गरेका छन्।

वेनले टिकटकमा एक भिडियो साझा गरेका थिए, जसमा भनिएको थियो कि उनको शाओमी एसयू ७ इभी केवल ३९ किलोमिटर ड्राइभ गरेपछि रोकियो र उनले कारलाई डेलिवरी केन्द्रमा फिर्ता गर्नुपर्यो। उनले एसयू ७ को स्ट्यान्डर्ड मोडल किनेको बताए।

गीज्मोचाइनाको एक रिपोर्टमा भनिएको छ कि प्रारम्भिक निरीक्षणको क्रममा कारमा कुनै त्रुटिहरू फेला परेन, त्यसपछि कम्पनीको बिक्री पछिको सेवा दिने कर्मचारीहरूले कार फिर्ता लिए र प्रयोगकर्तालाई रिफण्ड दिने वाचा गरे।

यद्यपि, प्रयोगकर्ताले रकम फिर्ताको सट्टा एक्सचेन्जमा रुचि राखेका थिए।

रिपोर्टमा थप भनिएको छ कि प्रयोगकर्ताले सामाजिक सञ्जालमा कम्पनीको बिक्री पछिको सेवासँगको आफ्नो अन्तरक्रियाको स्क्रिनसटहरू पनि साझा गरेको छन, जसमा प्रयोगकर्ताले सेवा केन्द्रबाट फिर्ताको सट्टामा अर्को एसयू ७ मागेको थियो। यद्यपि, सेवा केन्द्रले पछि प्रयोगकर्तालाई कारलाई थप विश्लेषणको लागि कारखानामा लैजान आवश्यक भएको बताएको थियो। उनलाई तत्काल कार मर्मत गर्न नसकिने समेत स्पष्ट पारेका थिए।

प्रयोगकर्तालाई विस्तृत अनुसन्धान पछि कार फिर्ता गरिने बताइएको थियो, जसमा केही समय लाग्ने भनिएको थियो।

यद्यपि, रिपोर्टका अनुसार, वेनले एक्सचेन्जमा जोड दिन जारी राखे, त्यसपछि शाओमीले प्रयोगकर्तालाई त्रुटिपूर्ण एसयू ७ को बदलामा कार दिन सहमत भयो।

शाओमी एसयू ७ इलेक्ट्रिक कारको प्रारम्भिक मूल्य २,१५,९०० युआन छ। यो मूल्य चीनको टेस्ला मोडल ३ को मूल्यभन्दा कम हो। शाओमी एसयू ७ इभी मार्च २८ मा लन्च गरिएको थियो र कम्पनीले मात्र २७ मिनेटमा कारलाई ५० हजार जनाले बुक गरेको बताएको छ। यति मात्र होइन, यसले लन्च भएको २४ घण्टाभित्र ८८,९८९ बुकिङ प्राप्त गरेको थियो।