Technology Khabar ७ बैशाख २०८१, शुक्रबार
काठमाडौं ।
नोकियाको फोन बेच्ने कम्पनी एचएमडीले ‘द बोरिङ फोन’ अनावरण गरेको छ। यो ब्रुअर कम्पनी हेनकेन र बोडेगाको सहकार्यमा सिर्जना गरिएको हो। यस ह्यान्डसेटमा फ्लिप स्क्रिन छ र यसलाई सीमित संस्करणको रूपमा ल्याइएको छ।
बोरिङ फोनमा पारदर्शी डिजाइन छ। तर यस फोनमा इन्टरनेट प्रयोग गर्न सकिँदैन भने तेस्रो पक्षीय एपहरू पनि डाउनलोड हुँदैनन्।
एकल चार्जमा, यो डिभाइसले एक हप्ताको स्ट्यान्डबाइ टाइम र २० घण्टासम्मको टक टाइम प्रदान गर्न सक्छ। बोरिङ फोन मिलान डिजाइन सप्ताहमा प्रदर्शन गरिएको थियो।
नोकिया फोन निर्माता एचएमडीले हेनकेन (Heineken) र क्रिएटिभ फर्म बोडेगा (Bodega) सँग मिलेर ‘द बोरिङ फोन’ लन्च गरेको हो। विशेष कुरा यो हो कि यो फोन बेचिने छैन, बरु गीभअवे मार्फत उपलब्ध हुनेछ। जानकारी अनुसार यो फोनको ५ हजार युनिट मात्र बनाइनेछ ।
फोनको उपलब्धताको बारेमा थप जान्नको लागि, तपाइँले हेनकेनको वेबसाइटमा साइन अप गर्न सक्नुहुन्छ।
यो फिचर फोन हो र यसमा इन्टरनेट पहुँच गर्न सकिँदैन। तेस्रो पक्षीय एपहरूले पनि काम गर्ने छैनन्। यस फोनबाट मात्र कल गर्न सकिन्छ र एसएमएस सन्देशहरू पठाउन र प्राप्त गर्न सकिन्छ। सबै फ्लिप फोनहरू जस्तै, प्रयोगकर्ताहरूले स्क्रिन बन्द गरेर कल विच्छेद गर्न सक्छन्।
द बोरिङ फोनमा २.८ इन्चको क्यूभीजीए भित्री डिस्प्ले र १.७७ इन्चको कभर डिस्प्ले छ। यसमा ०.३ मेगापिक्सेलको क्यामरा र ३.५ एमएमको हेडफोन ज्याक छ। यो फोनले टूजी, थ्रीजी र ४जी नेटवर्कहरूमा कल र टेक्स्ट गर्न सपोर्ट गर्दछ। सुविधाको रूपमा, मानिसहरूले आफ्नो डायल सूचीमा नम्बरहरू थप्न सक्छन्। लोकप्रिय स्नेक गेम पनि यसमा प्रि-इन्स्टल गरिएको छ।
प्रकाशित: ७ बैशाख २०८१, शुक्रबार
