CLOSE
काठमाडौं ।
भारतीय कम्पनी टाटाको पहिलो सेमीकन्डक्टर प्लान्ट सन् २०२६ को अन्त्यसम्ममा सञ्चालनमा आउने विश्वास गरिन्छ। तर यसअघि टाटाले एउटा ठूलो सम्झौता गरेको छ, जसले भारतलाई रणनीतिक खेलाडीको लिगमा समावेश गरेको छ ।
ईटीको रिपोर्ट अनुसार टाटा समूहको फर्म टाटा इलेक्ट्रोनिक्सले टेस्लासँग सम्झौता गरेको छ। जसअन्तर्गत टाटाले आगामी दिनहरूमा टेस्लाको विश्वव्यापी सञ्चालनका लागि सेमिकण्डक्टर (अर्धचालक)हरू बनाउनेछ। यद्यपि यस विषयमा टाटा र टेस्लाले कुनै प्रतिक्रिया दिएको छैनन्।
तर बजार विज्ञहरूका अनुसार यो भारतका लागि ठूलो कोशेढुङ्गा सावित हुन सक्छ, किनभने सेमिकन्डक्टर क्षेत्रमा चीन, ताइवान र दक्षिण कोरियाजस्ता मुलुकको प्रभुत्व थियो, अब त्यस क्षेत्रमा भारत प्रवेश गरेको हो। टाटा र टेस्ला सम्झौताले विश्वस्तरमा भारतको विश्वसनीयता बढाउनेछ।
सरकारले देशमा अर्धचालक प्लान्टहरू स्थापना गर्न उत्पादन लिङ्क प्रोत्साहन (पीएलआई) योजना घोषणा गरेको छ। सरकारको प्रयासको परिणाम टाटाले गुजरात र असममा सेमिकन्डक्टर प्लान्टहरू निर्माण गरिरहेको छ। चिपसेटको अभावका कारण अटोमोबाइल क्षेत्र सबैभन्दा बढी प्रभावित भएको छ।
चिपसेट अर्थात् अर्धचालक कुनै पनि इलेक्ट्रोनिक ग्याजेटको मस्तिष्क हो। यो स्मार्टफोन, कम्प्युटर, क्रेडिट कार्ड, वाशिङ मेसिन, मिसाइल सहित सबै इलेक्ट्रोनिक ग्याजेटहरूमा प्रयोग गरिन्छ।
प्रकाशित: ५ बैशाख २०८१, बुधबार
